ഫോട്ടോ : വിഷ്ണു നാരായണന്‍, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത് : മെർലി എം. എൽദോ
1. ഉരുളക്കിഴങ്ങ് ചെറിയ കഷണങ്ങളാക്കി വേവിച്ചത് – അരക്കപ്പ്
ആപ്പിള്‍ ചെറിയ കഷണങ്ങളാക്കിയത് – അരക്കപ്പ്
വോള്‍നട്ട് നുറുക്കിയത് – അരക്കപ്പ്
സെലറി അരിഞ്ഞത് – ഒരു വലിയ സ്പൂണ്‍
2. ലെറ്റൂസ് – പാകത്തിന്
3. തേന്‍ – ഒരു വലിയ സ്പൂണ്‍
നാരങ്ങാനീര് – ഒരു ചെറിയ സ്പൂണ്‍
കടുകു പൊടിച്ചത് – അര ചെറിയ സ്പൂണ്‍
ഒലിവ് ഓയില്‍ – ഒരു വലിയ സ്പൂണ്‍
കുരുമുളകുപൊടി – അര ചെറിയ സ്പൂണ്‍
ഉപ്പ് – പാകത്തിന്
4. മുട്ട – മൂന്ന്, പുഴുങ്ങിയത്
5. മയണീസ് – ഒരു വലിയ സ്പൂണ്‍
ക്രീം – ഒരു വലിയ സ്പൂണ്‍
ടുമാറ്റോ സോസ് – ഒരു വലിയ സ്പൂണ്‍
കുരുമുളകുപൊടി – അര ചെറിയ സ്പൂണ്‍
കടുകുപൊടി – അര ചെറിയ സ്പൂണ്‍
പാകം െചയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു സാലഡ് തയാറാക്കി വയ്ക്കുക.
∙ വിളമ്പാനുള്ള പാത്രത്തില്‍ ലെറ്റൂസ് ചുറ്റിനുമായി വ ച്ച ശേഷം കുറച്ച് ഇല നീളത്തില്‍ അരിഞ്ഞത് നടുവില്‍ വയ്ക്കണം.
∙ മൂന്നാമത്തെ ചേരുവ ഒരു കുപ്പിയിലാക്കി നന്നായി കുലുക്കി യോജിപ്പിക്കുക. ഇതു സാലഡിൽ ചേർത്തു മെല്ലേ കുടഞ്ഞു യോജിപ്പിച്ച ശേഷം ലെറ്റൂസിനു മുകളിൽ വയ്ക്കുക.
∙ ഇതിനു മുകളിൽ മുട്ട നീളത്തില്‍ രണ്ടായി മുറിച്ചതു വയ്ക്കണം.
∙ ഏറ്റവും മുകളിൽ അഞ്ചാമത്തെ ചേരുവ യോജിപ്പിച്ചത് ഒഴിച്ചു വിളമ്പുക.
