കോവയ്ക്ക കറി
1.കോവയ്ക്ക – അരക്കിലോ
2.വെളിച്ചെണ്ണ – രണ്ടു വലിയ സ്പൂൺ
3.ഉപ്പ് – പാകത്തിന്
4.വെളിച്ചെണ്ണ – രണ്ടു വലിയ സ്പൂൺ
5.ഉലുവ – അര ചെറി സ്പൂൺ
6.ഇഞ്ചി, അരിഞ്ഞത് – ഒരു വലിയ സ്പൂൺ
വെളുത്തുള്ളി, അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, അരിഞ്ഞത്
കറിവേപ്പില – ഒരു തണ്ട്
ചുവന്നുള്ളി – പത്ത്, അരിഞ്ഞത്
7.മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – രണ്ടു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
8.തേങ്ങ, ചുരണ്ടിയത് – ഒരു കപ്പ്
ചുവന്നുള്ളി – മൂന്ന്
മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
9.ഉപ്പ് – പാകത്തിന്
10.കുടംപുളി – മൂന്ന് കഷണം, വെള്ളത്തില്‍ കുതിർത്തത്
പാകം ചെയ്യുന്ന വിധം
∙കോവയ്ക്ക കഴുകി വൃത്തിയാക്കി വരഞ്ഞു വയ്ക്കുക.
∙ചട്ടിയിൽ എണ്ണ ചൂടാക്കി കോവയ്ക്കയും പാകത്തിനുപ്പും ചേർത്തു വഴറ്റണം.
∙നിറം മാറിത്തുടങ്ങുമ്പോൾ കോരി മാറ്റിവയ്ക്കുക.
∙ചട്ടിയിൽ വെളിച്ചെണ്ണ ചൂടാക്കി ഉലുവ പൊട്ടിച്ചതിനു ശേഷം ആറാമത്തെ ചേരുവ വഴറ്റണം.
∙ഏഴാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ എട്ടാമത്തെ ചേരുവ മയത്തിൽ അരച്ചതും പാകത്തിനുപ്പും ചേർത്തു തിളപ്പിക്കണം.
∙ഇതിലേക്കു വഴറ്റി വച്ചിരിക്കുന്ന കോവയ്ക്കയും കുടംപുളിയും ചേർത്തു മൂടിവച്ചു പത്തു മിനിറ്റു വേവിക്കണം.
∙തീ അണച്ചതിനു ശേഷം ഒരു ചെറിയ സ്പൂൺ വെളിച്ചെണ്ണ ഒഴിച്ച് അഞ്ചു മിനിറ്റു മൂടിവച്ചതിനു ശേഷം വിളമ്പാം.
