പെപ്പർ ചിക്കൻ
1.ചിക്കൻ – ഒരു കിലോ
2.മല്ലി – ഒരു വലിയ സ്പൂൺ
കുരുമുളക്– രണ്ടു ചെറിയ സ്പൂൺ
ജീരകം – ഒരു ചെറിയ സ്പൂൺ
3.വെളിച്ചെണ്ണ – രണ്ടു വലിയ സ്പൂൺ
4.കുരുമുളക് – ഒരു ചെറിയ സ്പൂൺ
പെരുംജീരകം – ഒരു വലിയ സ്പൂൺ
കറുവാപ്പട്ട – രണ്ടു കഷണം
5.സവാള – രണ്ട്, പൊടിയായി അരിഞ്ഞത്
ഇഞ്ചി – ഒരിഞ്ചു കഷണം, ചതച്ചത്
വെളുത്തുള്ളി – എട്ട് – പത്ത് അല്ലി, ചതച്ചത്
പച്ചമുളക് – മൂന്ന്, നീളത്തിൽ അരിഞ്ഞത്
6.മുളകുപൊടി – രണ്ടു ചെറിയ സ്പൂൺ
മഞ്ഞൾപ്പൊടി – അര ചെറി സ്പൂൺ
7.ചൂടുവെള്ളം – കാൽ കപ്പ്
8.കുരുമുളകുപൊടി – പാകത്തിന്
മല്ലിയില, പൊടിയായി അരിഞ്ഞത് – കാൽ കപ്പ്
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി കഷണങ്ങളാക്കി വയ്ക്കുക.
∙പാനിൽ രണ്ടാമത്തെ ചേരുവ വറുത്തു പൊടിച്ചു മാറ്റി വയ്ക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റുക.
∙ഇതിലേക്കു അഞ്ചാമത്തെ ചേരുവ ചേർത്തു വഴറ്റണം.
∙സവാള ഗോൾഡൻ ബ്രൗൺ നിറമാകുമ്പോൾ പൊടികൾ ചേർത്തു വഴറ്റുക.
∙ചിക്കനും ചേർത്തു വഴറ്റി ചൂടൂവെള്ളം ചേർത്തു മൂടിവച്ചു വേവിക്കണം.
∙ചിക്കൻ മുക്കാൽ വേവാകുമ്പോൾ പൊടിച്ചു വച്ച മസാല ചേർത്തിളക്കി
വേവിക്കുക.
∙വെന്തു പാകമാകുമ്പോൾ എട്ടാമത്തെ ചേരുവ ചേര്‍ത്തിളക്കി വിളമ്പാം.
