ചെമ്മീൻ അച്ചാർ
1.ചെമ്മീൻ – 350 ഗ്രാം
2.മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – രണ്ടു ചെറിയ സ്പൂൺ
ഉപ്പ് – പാകത്തിന്
3.എള്ളെണ്ണ – കാൽ കപ്പ്
4.കടുക് – അര ചെറിയ സ്പൂൺ
5.വെളുത്തുള്ളി, അരിഞ്ഞത് – രണ്ടര വലിയ സ്പൂൺ
ഇഞ്ചി, അരിഞ്ഞത് – രണ്ടു വലിയ സ്പൂൺ
പച്ചമുളക് – മൂന്ന്
കറിവേപ്പില – രണ്ടു തണ്ട്
6.കശ്മീരി മുളകുപൊടി – മൂന്നു വലിയ സ്പൂൺ
ഉലുവപ്പൊടി – കാൽ ചെറിയ സ്പൂൺ
കായംപൊടി – ഒരു ചെറിയ സ്പൂൺ
ഉപ്പ് – പാകത്തിന്
7.ചൂടുവെള്ളം – അരക്കപ്പ്
വിനാഗിരി – രണ്ടു വലിയ സ്പൂൺ
പാകം ചെയ്യുന്ന വിധം
∙ചെമ്മീനിൽ രണ്ടാമത്തെ ചേരുവ യോജിപ്പിച്ച് അര മണിക്കൂർ വയ്ക്കുക.
∙എണ്ണ ചൂടാക്കി ചെമ്മീൻ വറുത്തു കോരി മാറ്റി വയ്ക്കുക.
∙ഇതേ എണ്ണയിൽ കടുക് പൊട്ടിച്ച് അഞ്ചാമത്തെ ചേരുവ വഴറ്റുക.
∙ഇതിലേക്കു പൊടികൾ ചേർത്തു വഴറ്റി പച്ചമണം മാറുമ്പോൾ വറുത്തു വച്ചിരിക്കുന്ന ചെമ്മീൻ ചേർക്കണം.
∙ഏഴാമത്തെ ചേരുവയും ചേർത്തിളക്കി തിളയ്ക്കുമ്പോൾ വാങ്ങിവയ്ക്കുക.
∙വായു കടക്കാത്ത കുപ്പിയിലാക്കി സൂക്ഷിക്കാം.
