Tuesday 10 November 2020 12:23 PM IST : By സ്വന്തം ലേഖകൻ

കൈപ്പുണ്യത്തിന്റെ കലവറയിൽ നിന്നും സ്പെഷ്യൽ നെയ്ച്ചോറ്!

ghee rice

സ്പെഷ്യൽ നെയ്ച്ചോറ്!

1.വറ്റൽമുളക് – നാല്

മല്ലിപ്പൊടി – ഒരു ചെറിയ സ്പൂൺ‌

ഇഞ്ചി–വെളുത്തുള്ളി പേസ്‌റ്റ് – ഒരു ചെറി‌യ സ്പൂൺ

ചുവന്നുള്ളി – 10

ജീരകം – അര ചെറിയ സ്പൂൺ

ഗ്രാമ്പൂ – നാല‌്

കറുവാപ്പട്ട – ഒരു കഷണം

2.തേങ്ങാപ്പാൽ – ആറു കപ്പ് (ഒരു തേങ്ങ പിഴിഞ്ഞത്)

3.ഗ്രാമ്പൂ – ആറ്

കറുവാപ്പട്ട – രണ്ടു കഷണം

ഏലയ്ക്ക – ആറ്

4.നെയ്യ് – മൂന്നു വലിയ സ്പൂൺ

5.ബിരിയാണി അരി അല്ലെങ്കിൽ ജീരകശാല അരി – മൂന്നു കപ്പ്

6.ഉപ്പ് – പാകത്തിന്

7.എണ്ണ – കാൽ കപ്പ്

8.സവാള – രണ്ടു വലുത്, അരിഞ്ഞത്

9.നാരങ്ങാനീര് – ഒരു നാരങ്ങയുടെ പകുതിയുടേത്

10.കുങ്കുമപ്പൂവ് – ഒരു നുള്ള്, ഒരു ചെറിയ സ്പൂൺ പാലിൽ കലക്കിയത്

പാകം ചെയ്യുന്ന വിധം

  • അവ്ൻ 3500F ൽ ചൂടാക്കിയിടുക.

  • ഒന്നാമത്തെ ചേരുവ മയത്തിൽ അരയ്ക്കുക. ഇതു തേങ്ങാപ്പാലിൽ കലക്കി അരിച്ചു മാറ്റിവയ്ക്കുക.

  • ഒരു പാനിൽ നെയ്യ് ചൂടാക്കി, മൂന്നാമത്തെ ചേരുവ വഴറ്റുക. ഇതിലേക്ക് അരി ചേർത്ത് ഇളംബ്രൗൺ നിറമാകും വരെ വറക്കുക. ഇതിലേക്കു മാറ്റി വച്ചിരിക്കുന്ന തേങ്ങാപ്പാലും ഉപ്പും ചേർത്തിളക്കി വേവിക്കുക.

  • മറ്റൊരു പാനിൽ എണ്ണ ചൂടാക്കി സവാള വഴറ്റിയ മാറ്റിവയ്ക്കണം.

  • ഒരു ബേക്കിങ് ഡിഷിൽ മയം പുരട്ടി അതിലേക്ക് ചോറിട്ട് അതിനു മുകളിൽ നാരങ്ങാനീരു ചേർത്തിളക്കിയ ശേഷം കുങ്കുമപ്പൂവു കലക്കിയതും ചേർത്തു നനഞ്ഞ തുണികൊണ്ടു മൂടുക.

  • ബേക്കിങ് ഡിഷ് ചൂടാക്കിയിട്ടിരിക്കുന്ന അവ്ന‌ിൽ വച്ചു 30 മിനിറ്റ് ബേക്ക് ചെയ്യുക.

  • സവാള വറുത്തതുകൊണ്ട് അലങ്കരിച്ചു വിളമ്പാം.