1.അയല – 750 ഗ്രാം
2.ചൂടു വെള്ളം – കാൽ കപ്പ്
വാളൻ പുളി – ഒരു നെല്ലിക്ക വലുപ്പത്തിൽ
3.വെളിച്ചെണ്ണ – ഒരു വലിയ സ്പൂൺ
4.തക്കാളി – ഒന്ന്
ചുവന്നുള്ളി – 150 ഗ്രാം
5.വെളിച്ചെണ്ണ – രണ്ടു വലിയ സ്പൂൺ
6.കടുക് – അര ചെറിയ സ്പൂൺ
ഉലുവ – കാൽ ചെറിയ സ്പൂൺ
7.വെളുത്തുള്ളി – ഒരു വലിയ സ്പൂൺ
ഇഞ്ചി – അര വലിയ സ്പൂൺ
കറിവേപ്പില – ഒരു തണ്ട്
വറ്റൽ മുളക് – മൂന്ന്
പച്ചമുളക് – 3
8.മുളകുപൊടി – രണ്ടു ചെറിയ സ്പൂൺ
കാശ്മീരി മുളകുപൊടി – രണ്ടു വലിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
9.ഉപ്പ് – പാകത്തിന്
10.വെളിച്ചെണ്ണ – ഒന്നര വലിയ സ്പൂൺ
ചുവന്നുള്ളി – മൂന്ന്
കറിവേപ്പില – ഒരു തണ്ട്
പാകം ചെയ്യുന്ന വിധം
∙മീൻ വൃത്തിയാക്കി കഴുകി വയ്ക്കുക.
∙കാൽ കപ്പ് ചൂടുവെള്ളത്തിൽ വാളന്പുളി കുതിർത്തു വയ്ക്കുക.
∙ചട്ടിയിൽ വെളിച്ചെണ്ണ ചൂടാക്കി തക്കാളിയും ചുവന്നുള്ളിയും വെവ്വേറെ വഴറ്റി മാറ്റി അരച്ചു വയ്ക്കുക.
∙ഒരു വലിയ സ്പൂൺ വെളിച്ചെണ്ണ ചൂടാക്കി കടുകും ഉലുവയും പൊട്ടിക്കുക.
∙ഇതിലേക്ക് ഏഴാമത്തെ ചേരുവ ചേർത്തു വഴറ്റുക.
∙പച്ചമണം മാറുമ്പോൾ എട്ടാമത്തെ ചേരുവ ചേർത്തു മൂപ്പിക്കുക.
∙ഇതിലേക്ക് അരച്ചു വച്ച തക്കാളി മിശ്രിതവും കാൽ കപ്പ് വെള്ളവും പുളിവെള്ളവും ചേർത്തു തിളപ്പിക്കണം.
∙വൃത്തിയാക്കിയ മീനും പാകത്തനുപ്പും ചേർത്തു വേവിക്കുക.
∙പത്താമത്തെ ചേരുവ താളിച്ച് കറിയിൽ ചേർത്തു വിളമ്പാം.