കരൾ വരട്ടിയത്
1.കരൾ – ഒരു കിലോ
2.ഇഞ്ചി ചതച്ചത് – ഒരു വലിയ സ്പൂൺ
വെളുത്തുള്ളി ചതച്ചത് – ഒരു വലിയ സ്പൂൺ
ചുവന്നുള്ളി ചതച്ചത് – അരക്കപ്പ്
പച്ചമുളക് – മൂന്ന്, ചതച്ചത്
മഞ്ഞൾപ്പൊടി – ഒരു ചെറിയ സ്പൂൺ
കശ്മീരി മുളഖുപൊടി – രണ്ടു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
വറ്റൽമുളകു ചതച്ചത് – ഒരു ചെറിയ സ്പൂൺ
ഉപ്പ് – പാകത്തിന്
കറിവേപ്പില – ഒരു തണ്ട്
3.വെളിച്ചെണ്ണ – രണ്ടു വലിയ സ്പൂൺ
4.പെരുംജീരകം – ഒരു ചെറിയ സ്പൂൺ
കറുവാപ്പട്ട – ഒരു ചെറിയ സ്പൂൺ
ഗ്രാമ്പൂ – നാല്
ഏലയ്ക്ക – മൂന്ന്
5.കുരുമുളകുപൊടി – ഒരു ചെറിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
കറിവേപ്പില – ഒരു തണ്ട്
വെളിച്ചെണ്ണ – ഒരു ചെറിയ സ്പൂൺ
പാകം ചെയ്യുന്ന വിധം
∙കരൾ കഴുകി വൃത്തിയാക്കി കഷണങ്ങളാക്കി വയ്ക്കുക.
∙ഇതിലേക്കു രണ്ടാമത്തെ ചേരുവ ചേർത്തു യോജിപ്പിക്കണം.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ ചതച്ചതു വഴറ്റുക.
∙പച്ചമണം മാറുമ്പോൾ കരൾ ചേർത്തു വഴറ്റി മൂടിവച്ചു വേവിക്കണം.
∙വെന്തു വെള്ളം വറ്റി വരുമ്പോൾ അഞ്ചാമത്തെ ചേരുവയും ചേർത്തിളക്കി വരട്ടി വാങ്ങാം.
