നാടൻ ബീഫ് ഉലർത്ത്
1.ചുവന്നുള്ളി – 30
സവാള – ഒന്ന്
ഇഞ്ചി – ഒരു വലിയ കഷണം
വെളുത്തുള്ളി – 10–15 അല്ലി
മല്ലിപ്പൊടി – രണ്ടു വലിയ സ്പൂൺ
കാശ്മീരി മുളകുപൊടി – ഒരു വലിയ സ്പൂൺ
ഗരംമസാലപ്പൊടി – ഒരു വലിയ സ്പൂൺ
പെരുംജീരകം – ഒരു ചെറിയ സ്പൂൺ
ജീരകം – അര ചെറിയ സ്പൂൺ
വെള്ളം – പാകത്തിന്
2.ബീഫ് – മുക്കാൽ കിലോ
3.മഞ്ഞൾപ്പൊടി – അര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
കറിവേപ്പില – രണ്ടു തണ്ട്
ഉപ്പ് – പാകത്തിന്
വെളിച്ചെണ്ണ – രണ്ടു ചെറിയ സ്പൂൺ
4.വെളിച്ചെണ്ണ – മൂന്നു വലിയ സ്പൂൺ
5.കടുക് – അര വലിയ സ്പൂൺ
പെരുംജീരകം – ഒരു ചെറിയ സ്പൂൺ
6.തേങ്ങാക്കൊത്ത് – അരക്കപ്പ്
കറിവേപ്പില – ഒരു തണ്ട്
7.കുരുമുളകുപൊടി – അര ചെറിയ സ്പൂൺ
വറ്റൽമുളക് ചതച്ചത് – ഒരു വലിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ച് മിക്സിയിൽ നന്നായി അരച്ചു വയ്ക്കുക.
∙ബീഫ് നന്നായി കഴുകി വൃത്തിയാക്കി ചെറിയ കഷണങ്ങളാക്കി വയ്ക്കുക.
∙ഇതിലേക്കു മൂന്നാമത്തെ ചേരുവയും അരച്ചു വച്ച മസാലയും ചേർത്ത് പ്രഷർ കുക്കറിൽ വേവിക്കുക.
∙പാനിൽ എണ്ണ ചൂടാക്കി കടുകും പെരുംജീരകവും പൊട്ടിക്കുക.
∙ഇതിലേക്ക് ആറാമത്തെ ചേരുവ ചേർത്ത് വഴറ്റണം.
∙നിറം മാറിത്തുടങ്ങുമ്പോൾ വേവിച്ചു വച്ചിരിക്കുന്ന ബീഫ് ചേർത്ത് വഴറ്റണം.
∙വെള്ളം വറ്റിത്തുടങ്ങുമ്പോൾ ഏഴാമത്തെ ചേരുവ ചേർത്തിളക്കി വരട്ടിയെടുക്കാം.
