ബീഫ് ഉലര്ത്തിയത്
1.ബീഫ് - ഒരു കിലോ
2.മല്ലി - ഒരു വലിയ സ്പൂണ്
പെരുംജീരകം - ഒരു വലിയ സ്പൂണ്
കുരുമുളക് - ഒരു ചെറിയ സ്പൂണ്
കറുവാപ്പട്ട - ഒരിഞ്ചു നീളത്തില്
ഗ്രാമ്പൂ - നാല്
ഏലയ്ക്ക - നാല്
തക്കോലം - ഒന്ന്
വറ്റല്മുളക് - ആറ്
3.മഞ്ഞള്പ്പൊടി - അര ചെറിയ സ്പൂണ്
മുളകുപൊടി - രണ്ടു ചെറിയ സ്പൂണ്
മല്ലിപ്പൊടി - നാലു ചെറിയ സ്പൂണ്
ഇഞ്ചി പൊടിയായി അരിഞ്ഞത് - കാല് കപ്പ്
വെളുത്തുള്ളി പൊടിയായി അരിഞ്ഞത് - കാല് കപ്പ്
ചുവന്നുള്ളി അരിഞ്ഞത് - കാല് കപ്പ്
ഉപ്പ് - പാകത്തിന്
നാരങ്ങാനീര് - ഒരു വലിയ സ്പൂണ്
4.വെളിച്ചെണ്ണ - മൂന്നു വലിയ സ്പൂണ്
് കടുക് - ഒരു ചെറിയ സ്പൂണ്
5. തേങ്ങാക്കൊത്ത്് - ഒരു കപ്പ്
6.വെളുത്തുള്ളി ചതച്ചത് - ആറ് അല്ലി
ചുവന്നുള്ളി ചതച്ചത് - അരക്കപ്പ
കറിവേപ്പില - ഒരു തണ്ട്
7.കുരുമുളകുപൊടി - പാകത്തിന്
പാകം ചെയ്യുന്ന വിധം
· ബീഫ് കഴുകി വൃത്തിയാക്കി വയ്ക്കുക.
· ഒരു പാനില് രണ്ടാമത്തെ ചേരുവ നന്നായി വറുത്ത് പൊടിച്ചു വയ്ക്കുക.
· കുക്കറിലേക്ക് ബീഫ് ഇട്ട് മൂന്നാമത്തെ ചേരുവ ചേര്ത്തു നന്നായി തിരുമ്മി യോജിപ്പിച്ച് വേവിക്കുക.
· പാനില് വെളിച്ചെണ്ണ ചൂടാക്കി കടുക് പൊട്ടിച്ച് തേങ്ങാക്കൊത്ത് മൂപ്പിക്കുക.
· ഇതിലേക്ക് ആറാമത്തെ ചേരുവ ചേര്ത്ത് മൂപ്പിച്ചതിനു ശേഷം വേവിച്ചു വച്ചിരിക്കുന്ന ബീഫ് ചേര്ക്കണം.
· വെള്ളം വറ്റി വരുമ്പോള് പൊടിച്ചു വച്ചിരിക്കുന്ന മസാലയും പാകത്തിനു കുരുമുളകുപൊടിയും ചേര്ത്തു വരട്ടി വാങ്ങുക.
· വറുത്ത കറിവേപ്പിലയും തേങ്ങാക്കൊത്തും കൊണ്ട് അലങ്കരിച്ചു വിളമ്പാം.