അമ്പഴങ്ങക്കറി
1.അമ്പഴങ്ങ – 10
2.ഉണക്കമുളക് – 15
3.മല്ലി – ഒന്നര പിടി
4.ഉഴുന്ന് – രണ്ടു പിടി
5.ഉലുവ – അര ചെറിയ സ്പൂൺ
6.കായം – അൽപം
7.ജീരകം – അര ചെറിയ സ്പൂൺ
8.കടുക് – ഒരു ചെറിയ സ്പൂൺ
9.കറിവേപ്പില – ഒരു തണ്ട്
10.മഞ്ഞൾപ്പൊടി – കാല്‍ ചെറിയ സ്പൂൺ
11.ഉപ്പ് – ആവശ്യത്തിന്
12.വെല്ലം – മൂന്നു കഷണം
13.തേങ്ങ – അര മുറിയുടെ പകുതി ചുരണ്ടി അരച്ചത്
14.എണ്ണ – ആവശ്യത്തിന്
15.കടുക് – ഒരു ചെറിയ സ്പൂൺ
16.ഉണക്കമുളക് – രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙അമ്പഴങ്ങ തൊലി കളഞ്ഞു ചതച്ചു വയ്ക്കുക.
∙രണ്ടു മുതൽ ഒമ്പതു വരെയുള്ള ചേരുവകൾ ഓരോന്നും വെവ്വേറെ വറുത്ത ശേഷം എല്ലാം കൂടി അര ഗ്ലാസ്സ് വെള്ളമൊഴിച്ച് അരച്ചെടുക്കുക. ആവശ്യമെങ്കിൽ കൂടുതൽ വെള്ളം ചേർത്ത് അരയ്ക്കാം.
∙അമ്പഴങ്ങ മഞ്ഞൾപ്പൊടിയുംഉപ്പും ചേർത്തു വേവിക്കുക. ഇതിൽ വെല്ലം ഇട്ട് അലിയാൻ തുടങ്ങുമ്പോൾ അരച്ചു വച്ച മിശ്രിതം ചേർത്തു നന്നായി തിളപ്പിക്കുക.
∙എണ്ണയൊഴിച്ച് കടുക് പൊട്ടിച്ച്, ഉണക്കമുളകും കറിവേപ്പിലയും മൂപ്പിച്ചു കറിക്കൂട്ടിൽ ചേർക്കുക.
