ഫ്ളാക്സ് സീഡ് ചപ്പാത്തിക്ക്
1. ഫ്ളാക്സ് സീഡ് പൊടിച്ചത് – 60 ഗ്രാം
ഗോതമ്പുപൊടി തവിടോടു കൂടിയത് – 100 ഗ്രാം
ഉപ്പ് – പാകത്തിന്
2. വെള്ളം – പാകത്തിന്
കുമ്പളങ്ങക്കറിക്ക്
3. കുമ്പളങ്ങ കഷണങ്ങളാക്കിയത് – 150 ഗ്രാം
4. ഉപ്പ് – പാകത്തിന്
വെള്ളം – പാകത്തിന്
5. ഇഞ്ചി – ഒരു ചെറിയ കഷണം
പച്ചമുളക് – രണ്ട്
കടുക് – കാൽ ചെറിയ സ്പൂൺ
ഉലുവ – ഒരു നുള്ള്
6. കറിവേപ്പില – ഒരു തണ്ട്
വെളുത്തുള്ളി അരിഞ്ഞത് – കാൽ ചെറിയ സ്പൂൺ
സവാള അരിഞ്ഞത് – നാലു ചെറിയ സ്പൂൺ
7. കൊഴുപ്പു കുറഞ്ഞ പാൽ – 25 മില്ലി
കൊഴുപ്പില്ലാത്ത തൈര് – 50 മില്ലി
8. എണ്ണ – അൽപം
9. കടുക് – ഒരു നുള്ള്
പാകം ചെയ്യുന്ന വിധം
∙ ഒന്നാമത്തെ ചേരുവ പാകത്തിനു വെള്ളം ചേർത്തു കുഴച്ചു ചെറിയ ഉരുളകളാക്കുക.
∙ ഇതു പൊടി തൂവി തട്ടിൽ വച്ചു പരത്തി എണ്ണയില്ലാതെ ചുട്ടെടുക്കാം.
∙ കുമ്പളങ്ങക്കറി തയാറാക്കാൻ കുമ്പളങ്ങ ഉപ്പും വെള്ളവും ചേര്‍ത്തു വേവിക്കുക.
∙ അഞ്ചാമത്തെ ചേരുവ ചതച്ചതും ആറാമത്തെ ചേരുവയും കുമ്പളങ്ങയില്‍ ചേർത്തു തിളപ്പിച്ച ശേഷം പാലും തൈരും ചേര്‍ക്കണം. തിളച്ചു തുടങ്ങുമ്പോൾ അടുപ്പിൽ നിന്നു വാങ്ങുക. എണ്ണ ചൂടാക്കി കടുകു പൊട്ടിച്ചതു ചേർത്തു വിളമ്പാം.
