കണവ തോരൻ
1.കണവ – അരക്കിലോ
2.വെളിച്ചെണ്ണ – രണ്ടു വലിയ സ്പൂൺ
3.കടുക് – അര ചെറിയ സ്പൂൺ
4.വറ്റൽമുളക് – രണ്ട്
കറിവേപ്പില – ഒരു തണ്ട്
ചുവന്നുള്ളി – അഞ്ച്, അരിഞ്ഞത്
5.തേങ്ങ ചുരണ്ടിയത് – അരക്കപ്പ്
വെളുത്തുള്ളി – മൂന്ന് അല്ലി
പച്ചമുളക് – രണ്ട്
മഞ്ഞൾപ്പൊടി – അര ചെറിയ സ്പൂൺ
മുളകുപൊടി – അര ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
പാകം ചെയ്യുന്ന വിധം
∙കണവ വൃത്തിയാക്കി കഷണങ്ങളാക്കി വയ്ക്കുക.
∙പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക.
∙ഇതിലേക്കു നാലാമത്തെ ചേരുവ ചേർത്തു വഴറ്റണം.
∙ചുവന്നുള്ളി കണ്ണാടിപ്പരുവമാകുമ്പോൾ കണവ ചേർത്തിളക്കി മൂടിവച്ചു വേവിക്കണം.
∙മുക്കാൽ വേവാകുമ്പോൾ അഞ്ചാമത്തെ ചേരുവ ചതച്ചതും ചേർത്തിളക്കുക.
∙കറിവേപ്പില ചേർത്തിളക്കി വാങ്ങുക.
