കപ്പ് കേക്കിന്
1. ഉപ്പില്ലാത്ത വെണ്ണ – 50 ഗ്രാം
പഞ്ചസാര പൊടിച്ചത് – അരക്കപ്പ്
2. മുട്ട – ഒന്ന്
വനില എസ്സന്‍സ് – അര ചെറിയ സ്പൂണ്‍
3. മൈദ – അരക്കപ്പ്
ബേക്കിങ് സോഡ – അര ചെറിയ സ്പൂണ്‍
ഉപ്പ് – ഒരു നുള്ള്
സേമിയപ്പായസത്തിന്
4. വറുത്ത സേമിയ – ഒരു കപ്പ്
5. പാല്‍ – 500 മില്ലി
വെള്ളം – 200 മില്ലി
6. കണ്ടന്‍സ്ഡ് മില്‍ക്ക് – ഒരു ചെറിയ ടിന്‍
ഏലയ്ക്കാപ്പൊടി – ഒരു ചെറിയ സ്പൂണ്‍
കുങ്കുമപ്പൂവ് – ഒന്ന്–രണ്ടു നാര്
നെയ്യ് – രണ്ടു വലിയ സ്പൂണ്‍
7. കശുവണ്ടിപ്പരിപ്പും ഉണക്കമുന്തിരിയും വറുത്തത് – 10 വീതം
ബട്ടര്‍ക്രീം ഫ്രോസ്റ്റിങ്ങിന്
8. ഉപ്പില്ലാത്ത വെണ്ണ – 100 ഗ്രാം
കണ്ടന്‍സ്ഡ് മില്‍ക്ക് – രണ്ട്–മൂന്നു വലിയ സ്പൂണ്‍
ഏലയ്ക്കാപ്പൊടി – ഒരു നുള്ള്
കാരമലൈസ്ഡ് സേമിയയ്ക്ക്
9. നെയ്യ് – ഒരു ചെറിയ സ്പൂണ്‍
10. സേമിയ – രണ്ടു വലിയ സ്പൂണ്‍
11. പഞ്ചസാര – ഒരു വലിയ സ്പൂണ്‍
പാകം ചെയ്യുന്ന വിധം
∙ കപ്പ് കേപ്പ് തയാറാക്കാന്‍ വെണ്ണയും പഞ്ചസാരയും നന്നായി അടിക്കുക. ഇതിലേക്ക് മുട്ടയും വനില എസ്സന്‍സും ചേര്‍ത്ത് അടിക്കണം.
∙ മൂന്നാമത്തെ ചേരുവ യോജിപ്പിക്കുക. ഇതു മുട്ടമിശ്രിതത്തില്‍ മെല്ലേ ചേര്‍ത്തു യോജിപ്പിക്കണം.
∙ കപ്പ്കേക്കിനുള്ള പേപ്പര്‍ കപ്പുകളിലാക്കി 1500 Cൽ ചൂടാക്കിയിട്ടിരിക്കുന്ന അവ്നില്‍ വച്ച് 15 മിനിറ്റ് ബേക്ക് ചെയ്തെടുക്കാം.
∙ സേമിയപ്പായസം തയാറാക്കാന്‍ സേമിയ പാലും വെള്ളവും ചേര്‍ത്തു വേവിക്കണം.
∙ നന്നായി വെന്ത ശേഷം ആറാമത്തെ ചേരുവ ചേര്‍ത്തു വേവിക്കുക. കുറുകി വരണം.
∙ വാങ്ങി ഉണക്കമുന്തിരിയും കശുവണ്ടിപ്പരിപ്പും ചേര്‍ത്തു ചൂടാറാന്‍ വയ്ക്കാം.
∙ ബട്ടര്‍ ക്രീം ഫ്രോസ്റ്റിങ് തയാറാക്കാന്‍ എട്ടാമത്തെ ചേരുവ നന്നായി അടിക്കുക. ഇത് പൈപ്പിങ് ബാഗിലാക്കി വയ്ക്കണം.
∙ കാരമലൈസ്ഡ് സേമിയ തയാറാക്കാന്‍ പാനില്‍ നെയ്യ് ചൂടാക്കി സേമിയ ഒരു മിനിറ്റ് വറുക്കണം.
∙ നോണ്‍സ്റ്റിക് പാനില്‍ പഞ്ചസാര ചൂടാക്കി കാരമലൈസ് ചെയ്ത ശേഷം സേമിയ ചേര്‍ത്തിളക്കി ചൂടാറാന്‍ വയ്ക്കുക.
∙ ഓരോ കപ്പ് കേക്കിനും നടുവില്‍ കുഴിയുണ്ടാക്കി അതില്‍ പായസം നിറയ്ക്കുക. ഇതിനു മുകളില്‍ ബട്ടര്‍ ക്രീം ഫ്രോസ്റ്റിങ് പൈപ്പ് ചെയ്യണം.
∙ ഏറ്റവും മുകളിലായി കാരമലൈസ്ഡ് സേമിയ വിതറി വിളമ്പാം.
തയാറാക്കിയത്: മെര്‍ലി എം. എല്‍ദോ, ഫോട്ടോ : വിഷ്ണു നാരായണന്‍, പാചകക്കുറിപ്പുകള്‍ക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: അനു ഡെന്നീസ്, വാഴക്കാല, കൊച്ചി. Insta id : @anu_gourmet_kitchen
