കക്കയിറച്ചി തോരൻ, ചോറിനൊപ്പം കഴിക്കാൻ കലക്കൻ കോമ്പിനേഷൻ!

കക്കയിറച്ചി തോരൻ

1.കക്കയിറച്ചി – അരക്കിലോ

2.ഉപ്പ്, മഞ്ഞൾപ്പൊടി – പാകത്തിന്

3.വെളിച്ചെണ്ണ – രണ്ടു വലിയ സ്പൂൺ‌

4.കടുക് – ഒരു ചെറിയ സ്പൂൺ

5.വറ്റൽമുളക് – രണ്ട്, രണ്ടായി മുറിച്ചത്

6.തേങ്ങ ചുരണ്ടിയത് – അരക്കപ്പ്

ചുവന്നുള്ളി – കാൽ കപ്പ്

പെരുംജീരകം – ഒരു നുള്ള്

കാന്താരി – മൂന്ന്

7.കറിവേപ്പില – ഒരു തണ്ട്

പാകം ചെയ്യുന്ന വിധം

∙കക്കയിറച്ചി വൃത്തിയാക്കി ഉപ്പും മഞ്ഞൾപ്പൊടിയും ചേർത്തു വേവിച്ചു വെള്ളം വറ്റിച്ചെടുക്കണം.

∙പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക.

∙ഇതിലേക്കു വറ്റൽമുളകും ആറാമത്തെ ചേരുവ ചതച്ചതും ചേർത്തു വഴറ്റണം.

∙കറിവേപ്പിലയും വേവിച്ച കക്കയിറച്ചിയും ചേർത്തിളക്കി വേവിച്ചു വാങ്ങാം.