1. ഇടിച്ചക്ക കഷണങ്ങളാക്കിയത് – ഒരു കപ്പ്
2. മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – കാൽ ചെറിയ സ്പൂൺ
ഉപ്പ് – പാകത്തിന്
3. വെളുത്തുള്ളി – രണ്ട് അല്ലി
ചുവന്നുള്ളി – നാല്
തേങ്ങ ചുരണ്ടിയത് – ഒരു കപ്പ്
ജീരകം – കാൽ ചെറിയ സ്പൂൺ
4. വെളിച്ചെണ്ണ – ഒരു വലിയ സ്പൂൺ
5. അരി – ഒരു ചെറിയ സ്പൂൺ
കടുക് – ഒരു ചെറിയ സ്പൂൺ
വറ്റൽമുളക് – രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ ഇടിച്ചക്ക രണ്ടാമത്തെ ചേരുവ ചേർത്തു വേവിക്കുക. ഇത് മിക്സിയിലാക്കി ഒന്ന് ഉടച്ചെടുക്കണം.
∙ മൂന്നാമത്തെ ചേരുവ തരുതരുപ്പായി ചതച്ചു വയ്ക്കണം.
∙ ചട്ടിയിൽ വെളിച്ചെണ്ണ ചൂടാക്കി അഞ്ചാമത്തെ ചേരുവ താളിക്കുക.
∙ ഇതിലേക്കു തേങ്ങ ചതച്ചതു ചേർത്ത് നന്നായി ചൂടാക്കുക.
∙ പച്ചരുചി മാറുമ്പോൾ ഇടിച്ചക്കയും ഉപ്പും ചേ ർത്തിളക്കി ചൂടോടെ വിളമ്പാം.
