മാമ്പഴ പച്ചടിയുടെ രുചി ഒന്ന് വേറെ തന്നെ! വിഷുവിന് പുതുരുചിയില്‍..

1. നാടൻ മാമ്പഴം – ആറ്, ചെറുത്

2. മഞ്ഞൾപ്പൊടി – അര ചെറിയ സ്പൂൺ

മുളകുപൊടി – അര ചെറിയ സ്പൂൺ

ഉപ്പ് – പാകത്തിന്

3. തേങ്ങ ചുരണ്ടിയത് – ഒരു കപ്പ്

കടുക് – അര ചെറിയ സ്പൂൺ

4. ശർക്കര – ഒരു ചെറിയ സ്പൂൺ

5. വെളിച്ചെണ്ണ – ഒരു വലിയ സ്പൂൺ

6. കടുക് – അര ചെറിയ സ്പൂൺ

വറ്റൽമുളക് – രണ്ട്

കറിവേപ്പില – ഒരു തണ്ട്

പാകം ചെയ്യുന്ന വിധം

∙ മാമ്പഴം തൊലിയോടു കൂടി കഷണങ്ങളാക്കി രണ്ടാമത്തെ ചേരുവ ചേർത്തു വേവിക്കുക.

∙ ഇതിലേക്ക് തേങ്ങയും കടുകും തരുതരുപ്പായി അരച്ചതു ചേർത്തു വറ്റിക്കണം.

∙ ശർക്കര ചേർത്തു വീണ്ടും വേവിച്ച ശേഷം കുറുകുമ്പോൾ വാങ്ങുക.

∙ ചീനച്ചട്ടിയിൽ എണ്ണ ചൂടാക്കി ആറാമത്തെ ചേരുവ താളിച്ചു പച്ചടിയിൽ ചേർക്കാം.

കടപ്പാട്: അനിത രവീന്ദ്രന്‍, പാലാ