കാളന്‍ ഉണ്ടാക്കാൻ ഇത്ര എളുപ്പമായിരുന്നോ എന്നു തോന്നിപ്പോകും റെസിപ്പി!

കാളൻ

1.ചേന, വലിയ ചതുരക്കഷണങ്ങളാക്കിയത് – ഒരു കപ്പ്

പച്ചക്കായ, വലിയ ചതുരക്കഷണങ്ങളാക്കിയത് – ഒരു കപ്പ്

കുരുമുളകുപൊടി – ഒരു ചെറിയ സ്പൂൺ

മുളകുപൊടി – അര ചെറിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

ഉപ്പ് – പാകത്തിന്

വെള്ളം – ഒരു കപ്പ്

2.കട്ടത്തൈര് – രണ്ടു കപ്പ്, ഉടച്ചത്

3.തേങ്ങ ചുരണ്ടിയത് – ഒന്നരക്കപ്പ്

ജീരകം – മുക്കാൽ ചെറിയ സ്പൂൺ

പച്ചമുളക് – മൂന്ന്

4.വെളിച്ചെണ്ണ – ഒന്നര വലിയ സ്പൂൺ

5.കടുക് – അര ചെറിയ സ്പൂൺ

ഉലുവ – അര ചെറിയ സ്പൂൺ

6.വറ്റൽമുളക് – മൂന്ന്

കറിവേപ്പില – രണ്ടു തണ്ട്

പാകം ചെയ്യുന്ന വിധം

∙ഒന്നാമത്തെ ചേരുവ യോജിപ്പിച്ചു വേവിച്ചു വെള്ളം വറ്റിക്കുക.

∙കഷണങ്ങൾ വെന്ത ശേഷം തീ കുറച്ചു തൈരു ചേർത്തു കൈയെടുക്കാതെ തുടരെയിളക്കി കുറുക്കുക.

∙തൈരു പകുതിയായി വറ്റുമ്പോൾ മൂന്നാമത്തെ ചേരുവ മയത്തിൽ അരച്ചതു ചേർത്തിളക്കി വീണ്ടും ഇളക്കി കുറുക്കി അടുപ്പിൽ നിന്നു മാറ്റുക.

∙ഒരു ചീനച്ചട്ടിയിൽ വെളിച്ചെണ്ണ ചൂടാക്കി, കടുകും ഉലുവയും പൊട്ടിച്ചശേഷം വറ്റൽമുളകും കറിവേപ്പിലയും ചേർത്തു മൂപ്പിച്ചു കാളനിൽ ഒഴിക്കുക.