ഛന മസാല
1.വെള്ളക്കടല – 250 ഗ്രാം
2.സവാള – രണ്ട്, പൊടിയായി അരിഞ്ഞത്
തക്കാളി – രണ്ട്, പൊടിയായി അരിഞ്ഞത്
പച്ചമുളക് – രണ്ട്
ഗരംമസലാപ്പൊടി – ഒരു ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
ചാട്ട് മസാല – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ജീരകംപൊടി – ഒരു ചെറിയ സ്പൂൺ
ഉപ്പ് – പാകത്തിന്
വാളൻപുളി പിഴിഞ്ഞത് – രണ്ടു ചെറിയ സ്പൂൺ
നാരങ്ങാനീര് – പകുതി നാരങ്ങയുടേത്
3.മല്ലിയില – അരക്കപ്പ്
പുതിനയില – കാൽ കപ്പ്
വെളുത്തുള്ളി – രണ്ട് അല്ലി
പച്ചമുളക് – ഒന്ന്
ഇഞ്ചി – അരയിഞ്ചു കഷണം
വെള്ളം – പാകത്തിന്
4.വെണ്ണ – രണ്ടു വലിയ സ്പൂൺ
5.ഇഞ്ചി, നീളത്തിൽ അരിഞ്ഞത് – ഒരു ചെറിയ സ്പൂൺ
പച്ചമുളക് – ഒന്ന്, പൊടിയായി അരിഞ്ഞത്
കശ്മീരി മുളകുപൊടി – ഒരു ചെറിയ സ്പൂൺ
6.മല്ലിയില – പാകത്തിന്
പാകം ചെയ്യുന്ന വിധം
∙വെള്ളക്കടല പാകത്തിനു വെള്ളവും ഉപ്പും ചേർത്തു വേവിച്ച് വയ്ക്കുക.
∙ഇതിലേക്കു രണ്ടാമത്തെ ചേരുവ ചേർത്തു യോജിപ്പിക്കുക.
∙മൂന്നാമത്തെ ചേരുവ മിക്സിയിൽ നന്നായി അരച്ചെടുത്തു തയാറാക്കി വച്ചിരിക്കുന്ന കടല മിശ്രിതത്തിൽ ചേർത്തു യോജിപ്പിക്കുക.
∙പാനില്‍ വെണ്ണ ചൂടാക്കി അഞ്ചാമത്തെ ചേരുവ വഴറ്റണം.
∙പച്ചമണം മാറുമ്പോൾ കടല മിശ്രിതം ചേർത്തിളക്കി പത്തു മിനിറ്റ് മൂടി വച്ചു വേവിക്കണം.
∙മല്ലിയില വിതറി വിളമ്പാം.
