യാഖ്നി പനീർ
1.പനീര്‍ – 300 ഗ്രാം
2.പെരുംജീരകം – ഒരു വലിയ സ്പൂൺ
ജീരകം – ഒരു വലിയ സ്പൂൺ
മല്ലി – ഒരു വലിയ സ്പൂൺ
ഏലയ്ക്ക – നാല്
കറുത്ത ഏലയ്ക്ക – ഒന്ന്
വറ്റൽമുളക് – രണ്ട്
കുരുമുളക് – അര വലിയ സ്പൂൺ
3.കശുവണ്ടിപ്പരിപ്പ് – 8–10 എണ്ണം, കുതിർത്തത്
4.നെയ്യ് – രണ്ടു വലിയ സ്പൂൺ
5.ഇഞ്ചി അരച്ചത് – ഒരു ചെറിയ സ്പൂൺ
പച്ചമുളക് – രണ്ട്, നീളത്തിൽ അരിഞ്ഞത്
6.വെള്ളം – കാൽ കപ്പ്
7.തൈര് – കാൽ കപ്പ്
8.ഉപ്പ് – പാകത്തിന്
9.ഫ്രഷ് ക്രീം – മൂന്നു വലിയ സ്പൂൺ
10.എണ്ണ – ഒരു വലിയ സ്പൺ
11.ഇഞ്ചി നീളത്തിൽ അരിഞ്ഞത് – ഒരു വലിയ സ്പൂൺ
തക്കാളി – ഒന്നിന്റെ പകുതി, കുരുകളഞ്ഞു ചതുരക്കഷണങ്ങളാക്കിയത്
കാപ്സിക്കം – ഒന്നിന്റെ പകുതി, ചതുരക്കഷണങ്ങളാക്കിയത്
പാകം ചെയ്യുന്ന വിധം
∙പനീർ ചതുരക്കഷണങ്ങളാക്കി വയ്ക്കുക.
∙പാനിൽ രണ്ടാമത്തെ ചേരുവ വറുത്തു പൊടിയച്ചു വയ്ക്കണം.
∙കുതിർത്ത കശുവണ്ടിപ്പരിപ്പും നാലു കഷണം പനീറും ചേർത്തു മയത്തിൽ അരച്ചു വയ്ക്കണം.
∙പാനിൽ നെയ്യ് ചൂടാക്കി ബാക്കി പനീർ കഷണങ്ങൾ വറുത്തു മാറ്റി വയ്ക്കുക.
∙ഇതേ പാനിൽ അഞ്ചാമത്തെ ചേരുവയും അരച്ചു വച്ചിരിക്കുന്ന കശുവണ്ടിപ്പരിപ്പു–പനീർ മിശ്രിതവും ചേർത്തു വഴറ്റി പച്ചമണം മാറുമ്പോൾ വെള്ളം ചേർത്തു തിളപ്പിക്കണം.
∙തൈരു ചേർത്തു കൈവിടാതെ ഇളക്കി യോജിപ്പിച്ച് രണ്ടു മൂന്നു മിനിറ്റ് ചൂടാക്കുക.
∙ഇതിലേക്കു വറുത്ത വച്ചിരിക്കുന്ന പനീറും പാകത്തിനുപ്പും പൊടിച്ചു വച്ച മസാലയും ചേർത്തിളക്കി യോജിപ്പിക്കുക.
∙ഇതിലേക്കു ഫ്രഷ് ക്രീമും ചേർത്തിളക്കണം.
∙മറ്റൊരു പാനിൽ എണ്ണ ചൂടാക്കി 11 –ാമത്തെ ചേരുവ ചേർത്തു വഴറ്റി കറിയിൽ ചേർത്തിളക്കി വാങ്ങാം.
∙മല്ലിയില കൊണ്ട് അലങ്കരിച്ചു വിളമ്പാം.
