മുട്ട മോലി
1. മുട്ട – മൂന്ന്
2. പച്ചമുളക് – ഒന്ന്
സവാള – ഒന്ന്
കറിവേപ്പില – ഒരു തണ്ട്
3. ഉപ്പ് – പാകത്തിന്
4. വെളിച്ചെണ്ണ – രണ്ടു വലിയ സ്പൂൺ
5. കടുക് – അര ചെറിയ സ്പൂൺ
ഉലുവ – അര ചെറിയ സ്പൂൺ
6. ഇഞ്ചി – ഒരു കഷണം, അരിഞ്ഞത്
വെളുത്തുള്ളി അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, അരിഞ്ഞത്
കറിവേപ്പില – ഒരു തണ്ട്
7. സവാള – രണ്ട്, പൊടിയായി അരിഞ്ഞത്
8. മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
9. തക്കാളി – ഒന്ന്, അരിഞ്ഞത്
10. തേങ്ങാപ്പാൽ – രണ്ടു കപ്പ്
പാകം ചെയ്യുന്ന വിധം
∙ഒരു ഫ്രൈയിങ് പാനിൽ അൽപം എണ്ണ ചൂടാക്കി ബുൾസ്ഐ–യ്ക്കെന്ന പോലെ മുട്ട പൊട്ടിച്ചൊഴിക്കുക.ഓരോ ബുൾസ്ഐ–യുടെയും മുകളിൽ രണ്ടാമത്തെ ചേരുവ പൊടിയായി അരിഞ്ഞതു വിതറി മാറ്റി വയ്ക്കുക.
∙എണ്ണ ചൂടാക്കി കടുകും ഉലുവയും മൂപ്പിച്ച ശേഷം ആറാമത്തെ ചേരുവ ചേർത്തു വഴറ്റണം.
∙ഇതിേലക്കു സവാള ചേർത്തു വഴറ്റി ബ്രൗൺ നിറമാകുമ്പോൾ മഞ്ഞൾപ്പൊടിയും ഉപ്പും ചേർത്തിളക്കുക.
∙തക്കാളി അരിഞ്ഞതു ചേർത്തു വഴറ്റി എണ്ണ തെളിയുമ്പോൾ തേങ്ങാപ്പാല്‍ ചേർത്തിളക്കി തിളപ്പിക്കുക.
∙ഇതിനു മുകളിലേക്കു മുട്ട ബുൾസ്ഐ ചെയ്തതു പൊട്ടിപ്പോകാതെ മെല്ലേ വച്ചു വിളമ്പാം.
