ഫെയ്സ്ബുക്ക് ഉപഭോക്താക്കളുടെ ലോഗിൻ വിവരങ്ങൾ ചോർത്തിയെന്ന കാരണത്താൽ 25 മൊബൈൽ ആപ്ലിക്കേഷനുകളെ ഗൂഗിൾ നീക്കം ചെയ്തതായി റിപ്പോർട്ട്. ഫ്രഞ്ച് സൈബർ സെക്യൂരിറ്റി സ്ഥാപനമായ എവിന നൽകുന്ന വിവരപ്രകാരം കോടിക്കണക്കിന് ഫെയ്സ്ബുക്ക് ഉപഭോക്താക്കളുടെ സ്വകാര്യ ഡാറ്റ ചോർത്താൻ ശേഷിയുള്ള മാൽവെയറാണ് ഈ ആപ്ലിക്കേഷനുകൾ ഉപയോഗിക്കുന്നതുവഴി നിങ്ങളുടെ സ്മാർട്ട് ഫോണിലേക്ക് എത്തുന്നത്.
എവിനയുടെ കണ്ടെത്തലിനെ തുടർന്ന് ഇത്തരത്തിൽ അപകടകരമായ 25 മൊബൈൽ ആപ്ലിക്കേഷനുകളെ ഗൂഗിള്‍ പ്ലേസ്‌റ്റോറിൽനിന്ന് ഉടനടി നീക്കം ചെയ്തു.അനുദിനം നിരവധി ആപ്ലിക്കേഷനുകളാണ് നമ്മളോരോരുത്തരും ഫോണിൽ ഇൻസ്റ്റാൾ ചെയ്ത് ഉപയോഗിക്കുന്നത്. ഇതിൽ പലതും അപകടം നിറഞ്ഞതും ഉപഭോക്താവിന്റെ സ്വകാര്യ ഡാറ്റ ചോർത്താൻ കഴിവുള്ളവയുമാണ്. ഫോണിലെ ഡാറ്റ നിങ്ങളുടെ അറിവില്ലാതെ മറ്റൊരു സെർവറിലേക്ക് എത്തിക്കാൻ ശേഷിയുള്ള മാൽവെയറാണ് എവിന കണ്ടെത്തി നീക്കം ചെയ്തത്. ഈ ഗണത്തിൽ പെട്ട 25 ആപ്പുകൾ ഇതുവരെ ഏകദേശം 25 ലക്ഷത്തോളം ആളുകൾ ഗൂഗിൾ പ്ലേസ്‌റ്റോറിൽനിന്ന് ഡൗൺലോഡ് ചെയ്ത് ഉപയോഗിച്ചിട്ടുണ്ട്. ഫെയ്സ്ബുക് ഐഡിയും പാസ്‌വേഡും ആവശ്യപ്പെടുന്ന ആപ്പുകൾ ഉപയോഗിക്കുമ്പോൾ ഇനിയും ശ്രദ്ധിച്ചില്ലെങ്കിൽ പണി പാളുമെന്ന് മറക്കേണ്ട.
ഗൂഗിൾ നീക്കം ചെയ്ത ആപ്ലിക്കേഷനുകൾ ഇവയാണ്,
Super Wallpapers Flashlight
Padenatef
Wallpaper Level
Contour level wallpaper
iPlayer &iWallpaper
Video Maker
Color Wallpapers
Pedometer
Powerful Flashlight
Super Bright Flashlight
Solitaire Game
Accurate scanning of Meade
Classic card game
Junk file cleaning
Synthetic Z
File Manager
Composite Z
Screenshot Capture
Daily Horoscope Wallpapers
Wuxia Reader
Plus Weather
Anime Live Wallpaper
iHealth Step Counter
com.tgyapp.fiction
