ഏത്തപ്പഴം പാൻകേക്ക്
പാൻകേക്കിന്
1.മൈദ – 50 ഗ്രാം
മുട്ട – രണ്ട്
തേൻ – രണ്ടു ചെറിയ സ്പൂൺ
പഞ്ചസാര – ഒരു ചെറിയ സ്പൂൺ
വെണ്ണ ഉരുക്കിയത് – ഒരു ചെറിയ സ്പൂൺ
പാൽ – 150 മില്ലി
ഫില്ലിങ്ങിന്
2.വെണ്ണ – ഒരു ചെറിയ സ്പൂൺ
3.ഏത്തപ്പഴം – ഒന്ന്, ചെറുതായി അരിഞ്ഞത്
4.പഞ്ചസാര – ഒരു വലിയ സ്പൂൺ
5.തേങ്ങ ചുരണ്ടിയത് – നാലു വലിയ സ്പൂൺ
ശർക്കര ഉരുക്കിയത് – രണ്ടു വലിയ സ്പൂൺ
6.ഏലയ്ക്കാപ്പൊടി – ഒരു നുള്ള്
പാകം ചെയ്യുന്ന വിധം
∙പാൻകേക്കിനുള്ള ചേരുവ ഒന്നിച്ചാക്കി യോജിപ്പിച്ചശേഷം അരിച്ചെടുത്തു 10 മിനിറ്റ് അനക്കാതെ വയ്ക്കുക.
∙പിന്നീട് തവ ചൂടാക്കി, മാവ് കോരിയോഴിച്ചു ദോശപോലെ ചുട്ടെടുത്തു മാറ്റി വയ്ക്കുക.
∙ഇനി വെണ്ണ ചൂടാക്കി, നേന്ത്രപ്പഴം വഴറ്റി മൃദുവാകുമ്പോൾ പഞ്ചസാര ചേർക്കുക.
∙ഇതിലേക്ക് അഞ്ചാമത്തെ ചേരുവ ചേർത്തിളക്കി കുറുകുമ്പോൾ ഏലയ്ക്കാപ്പൊടിയും ചേർത്തു വാങ്ങുക.
∙ഈ സ്റ്റഫിങ് അൽപാൽപമായി ഓരോ പാൻകേക്കിമുള്ളിലും വച്ചു ചുരുട്ടിയെടുക്കുക.
∙ശർക്കരപ്പാനിക്കൊപ്പം വിളമ്പാം.