ചിക്കൻ മോമോസ്
1. മൈദ - 250 ഗ്രാം
ഉപ്പ്, വെള്ളം - പാകത്തിന്
2. നെയ്യ് - ഒരു വലിയ സ്പൂൺ
3. ചിക്കൻ വേവിച്ചു മിൻസ് ചെയ്തത് - അരക്കിലോ
വെളുത്തുള്ളി പൊടിയായി അരിഞ്ഞത് - ഒരു വലിയ സ്പൂൺ
സെലറി പൊടിയായി അരിഞ്ഞത് - നാലു ചെറിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് - നാലു ചെറിയ സ്പൂൺ
വെളുത്ത കുരുമുളകുപൊടി - ഒരു ചെറിയ സ്പൂൺ
ഉപ്പ് - പാകത്തിന്
മോമോ സോസിന്
4. പച്ചമുളക് - 100 ഗ്രാം
വറ്റൽമുളക് - 100 ഗ്രാം
വെളുത്തുള്ളി - 25 ഗ്രാം
5. നാരങ്ങാനീര് - ഒരു വലിയ സ്പൂൺ
6. ഉപ്പ് - പാകത്തിന്
പാകം ചെയ്യുന്ന വിധം
∙ മൈദയും ഉപ്പും വെള്ളവും യോജിപ്പിച്ചു കുഴച്ചു മാവു തയാറാക്കി ചെറിയ ഉരുളകളാക്കി വയ്ക്കുക.
∙ നെയ്യ് ചൂടാക്കി, മൂന്നാമത്തെ ചേരുവ വഴറ്റി മോമോസിനുള്ള സ്‌റ്റഫിങ് തയാറാക്കണം.
∙ ഓരോ ഉരുളയും കനം കുറച്ചു പരത്തി അതിനുള്ളിൽ സ്‌റ്റഫിങ് അൽപാൽപം നിറച്ചു കിഴി പോലെ കെട്ടിയ ശേഷം മോമോസ് അപ്പച്ചെമ്പിന്റെ തട്ടിൽ വച്ച് ആവിയിൽ 15 മിനിറ്റ് വേവിക്കണം. മോമോ സോസിനൊപ്പം വിളമ്പാം.
∙ സോസ് തയാറാക്കാൻ നാലാമത്തെ ചേരുവ വഴറ്റിയ ശേഷം മയത്തിൽ അരയ്ക്കുക.
∙ ഇതിൽ നാരങ്ങാനീരും പാകത്തിനുപ്പും ചേർത്താൽ സോസ് റെഡി.
