ഓട്സ് ലഡു
1.നെയ്യ് – ഒരു വലിയ സ്പൂൺ
2.കശുവണ്ടിപ്പരിപ്പ് നുറുക്ക് – ഒരു വലിയ സ്പൂൺ
ഉണക്കമുന്തിരി – അഞ്ച്
3.ഓട്സ് പൊടിച്ചത് – ഒരു കപ്പ്
4.ഏലയ്ക്കാപ്പൊടി – അര ചെറിയ സ്പൺ
പഞ്ചസാര പൊടിച്ചത് – മുക്കാൽ കപ്പ്
തേങ്ങാ തിരുമ്മിയത് – മുക്കാൽ കപ്പ്
5.പാൽ – കാൽ കപ്പ്
പാകം ചെയ്യുന്ന വിധം
∙ഒരു പാത്രത്തിൽ നെയ്യൊഴിച്ച് കശുവണ്ടിപ്പരിപ്പും ഉണക്കമുന്തിരിയും വറുത്തെടുത്ത് മാറ്റി വയ്ക്കുക.
∙ആ നെയ്യിൽ തന്നെ ഓട്സ് ചേർത്ത് ചെറുതീയിൽ രണ്ടു മിനിറ്റ് വറുത്തെടുക്കുക. ചൂടാറിയശേഷം മിക്സിയിൽ പൊടിച്ചെടുക്കുക.
∙ഇതിൽ നാലാമത്തെ ചേരുവയും നെയ്യിൽ വറുത്ത കശുവണ്ടിപ്പരിപ്പും ഉണക്കമുന്തിരിയും ചേർത്തു നന്നായി യോജിപ്പിക്കുക.
∙ചൂടായ പാൽ കുറേശ്ശെയായി ഒഴിച്ച് ഉരുളകളാക്കുക. ഓട്സ് ലഡു റെഡി.