ബീറ്റ്റൂട്ട് റോളപ്പ്സ്
1.വെണ്ണ – അര ചെറിയ സ്പൂൺ
2.ബീറ്റ്റൂട്ട് വലിയ കഷണങ്ങളാക്കി മുറിച്ചത് – കാൽ കപ്പ്
വെളുത്തുള്ളി – രണ്ട് അല്ലി
3.കടലമാവ് – മൂന്നു വലിയ സ്പൂൺ
വെള്ളം – പാകത്തിന്
ഉപ്പ് – പാകത്തിന്
4.വെണ്ണ ഉരുക്കിയത് – ഒരു ചെറിയ സ്പൂൺ
5.കാപ്സിക്കം പൊടിയായി അരിഞ്ഞത് – കാൽ കപ്പ്
6.മുട്ട – രണ്ട്, അടിച്ചത്
7.വറ്റൽമുളക് ചതച്ചത് – അര ചെറിയ സ്പൂൺ
ഉപ്പ് – പാകത്തിന്
മല്ലിയില പൊടിയായി അരിഞ്ഞത് – രണ്ടു വലിയ സ്പൂൺ
ചീസ് ഗ്രേറ്റ് ചെയ്തത് – കാൽ കപ്പ്
പാകം ചെയ്യുന്ന വിധം
∙പാനിൽ വെണ്ണ ചൂടാക്കി ബീറ്റ്റൂട്ടും വെളുത്തുള്ളിയും റോസ്‌റ്റ് ചെയ്യുക.
∙തണുക്കുമ്പോൾ മൂന്നാമത്തെ ചേരുവയും ചേർത്തു മയത്തിൽ അരയ്ക്കണം.
∙പാൻ ചൂടാക്കി അൽപം വെണ്ണ ബ്രഷ് ചെയ്തു ക്രെപ്സ് തയാറാക്കി വയ്ക്കുക.
∙മറ്റൊരു പാനിൽ വെണ്ണ ചൂടാക്കി കാപ്സിക്കം വഴറ്റണം.
∙ഇതിലേക്കു മുട്ടയും ചേർത്തു ചിക്കിയെടുക്കുക.
∙ഏഴാമത്തെ ചേരുവ ചേർത്തിളക്കി വാങ്ങാം.
∙ഇതു തയാറാക്കിയ ക്രെപ്സിൽ വച്ചു റോൾ ചെയ്യുക.
∙ചൂടോടെ വിളമ്പാം.
