പാസ്ത കേപ്പേഴ്സ് സാലഡ്
1. പാസ്ത - അരക്കിലോ
2. ഒലിവ് ഒായിൽ - രണ്ടു വലിയ സ്പൂൺ
3. വെളുത്തുള്ളി ചതച്ചത് - ഒരു വലിയ സ്പൂൺ
ടുമാറ്റോ സോസ് - അരക്കപ്പ്
4. ഒലിവ് കുരു കളഞ്ഞത് - നാല്
കേപ്പേഴ്സ് - രണ്ടു വലിയ സ്പൂൺ
പാഴ്സ്ലി പൊടിയായി അരിഞ്ഞത് - ഒരു വലിയ സ്പൂൺ
5. ബേസിൽ ലീവ്സ് - അലങ്കരിക്കാൻ
പാകം ചെയ്യുന്ന വിധം
∙ പാസ്ത പായ്ക്കറ്റിൽ പറഞ്ഞിരിക്കുന്ന പ്രകാരം വേവിച്ചൂറ്റി വയ്ക്കണം.
∙ എണ്ണ ചൂടാക്കി, വെളുത്തുള്ളി ചതച്ചതും ടുമാറ്റോ സോസും ചേർത്തു നന്നായി വഴറ്റുക.
∙ ഇതിലേക്കു വേവിച്ചൂറ്റിയ പാസ്ത ചേർത്തിളക്കി യോജിപ്പിക്കണം. പാസ്തയിൽ വെളുത്തുള്ളിയും സോസും നന്നായി പിടിക്കുന്നതാണ് കണക്ക്. അടുപ്പിൽ നിന്നും വാങ്ങുക.
∙ നാലാമത്തെ ചേരുവ ചേർത്തിളക്കി യോജിപ്പിച്ച ശേഷം വീണ്ടും അടുപ്പത്തു വയ്ക്കുക. ഇളക്കി വാങ്ങുക.
∙ ബേസിൽ ലീവ്സ് കൊണ്ടലങ്കരിച്ചു വിളമ്പുക.