ചിക്കൻ പോള
1.അരി – അരക്കിലോ, കുതിർത്തത്
2.മുട്ട – നാല്
3.ചിക്കൻ – 200 ഗ്രാം
ഉപ്പ്, കുരുമുളകുപൊടി – പാകത്തിന്
4.എണ്ണ – നാലു വലിയ സ്പൂൺ
5.സവാള – രണ്ട്, പൊടിയായി അരിഞ്ഞത്
ഇഞ്ചി – ഒരു കഷണം, അരിഞ്ഞത്
വെളഉത്തുള്ളി – മൂന്ന അലലി, അരിഞ്ഞത്
പച്ചമുളക് – രണ്ട്, അരിഞ്ഞത്
6.മല്ലിപ്പൊടി – ഒരു ചെറിയ സ്പൂൺ
കാശ്മീരി മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
7.തക്കാളി – ഒന്ന്, ചെറിയ കഷണങ്ങളാക്കിയത്
8.മല്ലിയില അരിഞ്ഞത് – ഒരു പിടി
പാകം ചെയ്യുന്ന വിധം
∙അരിയിൽ മുട്ട ചേർത്തു മിക്സിയിൽ അരയ്ക്കണം.
∙ചിക്കൻ വേവിച്ച് പൊടിയായി അരിഞ്ഞു വയ്ക്കണം.
∙എണ്ണ ചൂടാക്കി അഞ്ചാമത്തെ ചേരുവ വഴറ്റുക. വാടിയശേഷം പൊടികൾ ചേർത്തിളക്കി പച്ചമണം മാറുമ്പോൾ തക്കാളി ചേർത്തു വഴറ്റണം.
∙ഇതിലേക്ക് ചിക്കൻ വേവിച്ചതും ചേർത്തിളക്കി നന്നായി വരട്ടി മല്ലിയിലയും ചേർത്തു വാങ്ങുക.
∙നോൺസ്റ്റിക് പാൻ ചൂടാക്കി അരച്ചു വച്ചിരിക്കുന്ന കൂട്ടിന്റെ അഞ്ചിലൊരു ഭാഗം ഒഴിക്കുക. ഇതിനു മുകളിൽ ചിക്കൻ മസാലയുെ അഞ്ചിലൊരു ഭാഗം നിരത്തി, പാത്രം അടച്ചുവച്ചു ചെറുതീയിൽ വേവിക്കണം.
∙മുഴുവൻ മാവും മസാലയും ഇങ്ങനെ വേവിച്ചെടുക്കണം.