ചെറുപയർ വട
1.ചെറുപയർ – മൂന്നു കപ്പ്
2.സവാള ചെറുതായി അരിഞ്ഞത് – ഒരു കപ്പ്
ഇഞ്ചി ചെറുതായി അരിഞ്ഞത് – കാൽ കപ്പ്
പച്ചമുളക് – ഒരു വലിയ സ്പൂൺ
വറ്റൽമുളക് – ഒരു വലിയ സ്പൂൺ
കറിവേപ്പില ചെറുതായി അരിഞ്ഞത് – കാൽ കപ്പ്
തേങ്ങ ചുരണ്ടിയത് – കാൽ കപ്പ്
ഉപ്പ് – പാകത്തിന്
3.മൈദ – പാകത്തിന്
4.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ചെറുപയർ നന്നായി കഴുകി നാലു മണിക്കൂർ കുതിർക്കുക.
∙കുതിർത്ത ചെറുപയർ വെള്ളം ഊറ്റിക്കളഞ്ഞ് മിക്സിയിൽ അരയ്ക്കുക. ഒരുപാട് അരഞ്ഞുപോകരുത്.
∙ഇതിലേക്ക് രണ്ടാമത്തെ ചേരുവ ചേർത്ത് നന്നായി തിരുമി യോജിപ്പിക്കുക.
∙വെള്ളമയം കൂടുതൽ ഉണ്ടെങ്കിൽ പാകത്തിന് മൈദ ചേർക്കാം.
∙ചെറിയ ചെറിയ ഉരുളകളാക്കി വടയുടെ ആകൃതിയിലാക്കി ചൂടായ എണ്ണയിൽ വറുത്ത് കോരുക.
∙ചൂടോടെ ചട്നിക്കൊപ്പം വിളമ്പാം.