കോൺ–ചീസ് ബോൾസ്
1.സ്വീറ്റ് കോൺ അല്ലെങ്കിൽ ചോളം വേവിച്ചത് – ഒരു കപ്പ്
2.മൈദ – അരക്കപ്പ്
കോൺഫ്‌ളവർ – രണ്ടു വലിയ സ്പൂൺ
ഉപ്പ് – പാകത്തിന്
ബേക്കിങ് പൗ‍ഡർ – കാൽ ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
3.ചീസ് ഗ്രേറ്റ് ചെയ്തത് – രണ്ടു കപ്പ്
ഉരുളക്കിഴങ്ങ് – രണ്ട്, വേവിച്ചുടച്ചത്
വോൾനട്ട് ചതച്ചത് – അരക്കപ്പ്
മല്ലിയില – കാൽ കപ്പ്, പൊടിയായി അരി‍ഞ്ഞത്
4.കോൺഫ്‌ളവർ – പാകത്തിന്
5.എണ്ണ – വറുക്കാൻ ആവശ്യത്തിന്
6.വറ്റൽമുളകു ചതച്ചത് – പാകത്തിന്
പാകം ചെയ്യുന്ന വിധം
∙കോൺ വെള്ളം ചേർക്കാതെ തരുതരുപ്പായി അരയ്ക്കുക.
∙രണ്ടാമത്തെ ചേരുവ യോജിപ്പിച്ചു പാകത്തിനു വെള്ളം ചേർത്തു കുറുകെ കലക്കണം. നീണ്ടു പോകരുത്.
∙ഇതിലേക്കു കോൺ അരച്ചതും മൂന്നാമത്തെ ചേരുവയും ചേർത്തു നന്നായി ഇളക്കി യോജിപ്പിക്കുക.
∙ഈ മിശ്രിതത്തിൽ നിന്ന് ഇടത്തരം വലുപ്പമുള്ള ഉരുളകളുണ്ടാക്കി കോൺഫ്‌ളവറിൽ പൊതിഞ്ഞ് ചൂടായ എണ്ണയിൽ വറുത്തു കോരുക.
∙വറുത്തെടുത്ത ബോളുകൾക്കു മുകളിൽ വറ്റൽമുളകു ചതച്ചതു വിതറി ചൂടോടെ സോസിനൊപ്പം വിളമ്പാം.
