ഫിഷ് കട്‌ലറ്റ്
1.മീൻ – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
ഉപ്പ് – പാകത്തിന്
3.എണ്ണ – ഒരു വലിയ സ്പൂൺ
4.ഇഞ്ചി – ഒരു ചെറിയ കഷണം, പൊടിയായി അരിഞ്ഞത്
വെളുത്തുള്ളി – എട്ട് അല്ലി, പൊടിയായി അരിഞ്ഞത്
സവാള – ഒന്ന്, പൊടിയായി അരിഞ്ഞത്
കറിവേപ്പില – ഒരു തണ്ട്, പൊടിയായി അരിഞ്ഞത്
5.കുരുമുളകുപൊടി – ഒരു ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
കശ്മീരി മുളകുപൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
6.ഉരുളക്കിഴങ്ങ്– രണ്ട്, പുഴുങ്ങി പൊടിച്ചത്
7.മുട്ട – ഒന്ന്, അടിച്ചത്
8.ബ്രെഡ് പൊടിച്ചത് – പാകത്തിന്
9.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙മീൻ കഴുകി വൃത്തിയാക്കി രണ്ടാമത്തെ ചേരുവ ചേർത്തു വേവിച്ചു പൊടിച്ചു വയ്ക്കുക.
∙പാനിൽ എണ്ണ ചൂടാക്കി നാലാമത്തെ ചേരുവ വഴറ്റുക.
∙ഇതിലേക്കു അഞ്ചാമത്തെ ചേരുവ ചേർത്തു വഴറ്റുക.
∙പച്ചമണം മാറുമ്പോൾ പൊടിച്ചു വച്ച മീൻ ചേർത്തിളക്കുക.
∙ഉരുളക്കിഴങ്ങു പൊടിച്ചതും ചേർത്തിളക്കി വാങ്ങുക.
∙ഇതിൽ നിന്നും അൽപം വീതം എടുത്തു ചെറിയ ഉരുളകളാക്കി കട്‍ലറ്റിന്റെ ആകൃതിയിലാക്കി മുട്ട അടിച്ചതിൽ മുക്കി ബ്രെ‍ഡു പൊടിയിൽ പൊതിഞ്ഞു ചൂടായ എണ്ണയിൽ വറുത്തു കോരാം.
