പനീർ പക്കോഡ
1. പനീർ കൈ കൊണ്ടു പൊടിച്ചത് - 250 ഗ്രാം
2. ഗോതമ്പുപൊടി - നാലു വലിയ സ്പൂൺ
3. സവാള - രണ്ടു ചെറുത്, പൊടിയായി അരിഞ്ഞത്
പച്ചമുളക് - രണ്ട്, അരിഞ്ഞത്
മല്ലിയില പൊടിയായി അരിഞ്ഞത് - രണ്ടു വലിയ സ്പൂൺ
മഞ്ഞൾപ്പൊടി - ഒരു നുള്ള്
ഉപ്പ് - പാകത്തിന്
ഗരംമസാലപ്പൊടി - അര ചെറിയ സ്പൂൺ
(ആവശ്യമെങ്കിൽ)
4. എണ്ണ - വറുക്കാൻ ആവശ്യത്തിന്
പാകം ചെയ്യുന്ന വിധം
∙ പനീറിൽ നിന്നു വെള്ളം മുഴുവനും ഊറ്റിയ ശേഷം കൈകൊണ്ടു നന്നായി പൊടിക്കുക.
∙ ഇതിലേക്കു ഗോതമ്പുപൊടി അൽപാൽപമായി ചേർത്തു യോജിപ്പിക്കുക.
∙ ബാക്കി ചേരുവകളും ചേർത്തു കുഴച്ചുരുട്ടിയശേഷം ചെറിയ ഉരുളകളാക്കി വയ്ക്കുക.
∙ചീനച്ചട്ടിയിൽ എണ്ണ ചൂടാക്കി, ഉരുളകൾ ചെറുതീയിൽ ഗോൾഡൻ നിറത്തിൽ വറുത്തു കോരുക.
∙ പേപ്പറിൽ നിരത്തി എണ്ണ വാലാൻ വയ്ക്കുക.
∙ പുതിന ചട്നിക്കൊപ്പം വിളമ്പാം.
