പരിപ്പുവട
1.സാമ്പാർ പരിപ്പ് – 3 കപ്പ്
2.കൈമ അരി – അരക്കപ്പ്
3.വെള്ളം – പാകത്തിന്
4.പച്ചമുളക് – മൂന്ന് എണ്ണം
ഇഞ്ചി – ഒരു ചെറിയ കഷണം
വെളുത്തുള്ളി – മൂന്ന് അല്ലി
5.സവാള – രണ്ട്, ചെറുതായി അരിഞ്ഞത്
കറിവേപ്പില – രണ്ടു തണ്ട്, ചെറുതായി അരിഞ്ഞത്
മഞ്ഞൾപ്പൊടി – കാൽ ചെറി യസ്പൂൺ
മുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
6.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙സാമ്പാർ പരിപ്പും കൈമ അരിയും നന്നായി കഴുകിയെടുക്കണം.
∙ഇതിലേക്ക് പാകത്തിനു വെള്ളം ഒഴിച്ച് കുതിർക്കുക.
∙ശേഷം വെള്ളം ഊറ്റിക്കളഞ്ഞ് മിക്സിയിൽ അരച്ചെടുത്തു മാറ്റി വയ്ക്കണം. ഒരുപാട് അരഞ്ഞു പോകരുത്.
∙ഇതിലേക്കു നാലാമത്തെ ചേരുവ അരച്ചതും അഞ്ചാമത്തെ ചേരുവയും ചേർത്തു നന്നായി യോജിപ്പിക്കണം.
∙ഇതു ചൂടായ എണ്ണയിൽ വറുത്തു കോരുക.
∙ചൂടോടെ വിളമ്പാം.
