കാരറ്റ് പിൻവീൽ
1.റൊട്ടി – ഒരു ലോഫ് മുഴുവനോടെ
2.ചീസ് സ്പ്രെഡ് – മൂന്നു വലിയ സ്പൂൺ
വെണ്ണ – മൂന്നു വലിയ സ്പൂൺ
3.കാരറ്റ് – ഒന്ന് – ഒന്നര, തൊലി കളഞ്ഞു ഗ്രേറ്റ് ചെയ്തത്
കുരുവില്ലാത്ത ഉണക്കമുന്തിരി, കഴുകി, തുടച്ചുണക്കിയത് – നാലു ഡിസേർട്ട് സ്പൂൺ
4.കുരുമുളകുപൊടി – ആവശ്യമെങ്കിൽ
പാകം ചെയ്യുന്ന വിധം
∙റൊട്ടി നീളത്തിൽ കനം കുറഞ്ഞ സ്ലൈസുകളാക്കി, പുറന്തൊലി വരുന്നഭാഗം മാറ്റിക്കളയുക.
∙വെണ്ണയും ചീസ് സ്പ്രെഡും യോജിപ്പിച്ചു നന്നായി അടിച്ചു മയപ്പെടുത്തുക. മയം വന്നശേഷം ഇതിലേക്ക് ഗ്രേറ്റ് ചെയ്ത കാരറ്റും ഉണക്കമുന്തിരിയും ചേർത്തു നന്നായി യോജിപ്പിക്കുക.
∙റൊട്ടിയുടെ ഓരോ സ്ലൈസിന്റെയും ഒരു വശത്ത് ഈ മിശ്രിതം പുരട്ടിവയ്ക്കുക.
∙ഇനി ഓരോ സ്ലൈസിന്റെയും വീതികുറഞ്ഞ വശം നിങ്ങൾക്കു സമാന്തരമായി ഒരു ബട്ടർ
പേപ്പറിൽ വയ്ക്കുക. ഇനി പേപ്പർ ചേർത്ത് അമർത്തി ചുരുട്ടിയശേഷം ടൂത്പിക്ക് കൊണ്ടു കുത്തി ഉറപ്പിക്കുക.
∙വിളമ്പുന്നതിനു തൊട്ടു മുമ്പ് വട്ടത്തിൽ മുറിക്കുക.
