ഈ ശിശുദിനത്തിൽ കുട്ടിക്കൂട്ടത്തിനു തനിയെ തയാറാക്കാവുന്ന ഈസി റെസിപ്പീസ് ഇതാ...
ചോക്‌ലെറ്റ് കോക്കനട്ട് ബോൾസ്
1.മാറി ബിസ്ക്കറ്റ് – 250 ഗ്രാം
2.കണ്ടൻസ്ഡ് മിൽക്ക് – ഒരു ടിൻ
തേങ്ങ ചുരണ്ടിയത് – ഒരു കപ്പ്
കൊക്കോ പൗഡർ – കാൽ കപ്പ്
പാകം ചെയ്യുന്ന വിധം
∙ബിസ്ക്കറ്റ് മിക്സിയിലാക്കി പൾസ് മോഡിലിട്ടു കറക്കിയെടുത്തു റൊട്ടിപ്പൊടി പോലെയാക്കണം.
∙ഇതിലേക്കു രണ്ടാമത്തെ ചേരുവ ചേർ‌ത്തു മൂന്നു തവണ, 20 സെക്കൻഡ് വീതം കറക്കി യോജിപ്പിക്കണം. ഓരോ തവണയും വശങ്ങളിൽ നിന്നും ചേരുവ ഇളക്കി യോജിപ്പിച്ചു കൊടുക്കണം.
∙ഇതിൽ നിന്നു ചെറിയ ഉരുളകളുണ്ടാക്കി തേങ്ങ ചുരണ്ടിയതിൽ പൊതിഞ്ഞെടുക്കാം.
സ്‌റ്റഫ്ഡ് ടുമാറ്റോസ്
1.ചീസ് ക്യൂബ്സ് – എട്ട്, ഗ്രേറ്റ് ചെയ്തത്
കറുത്ത ഒലിവ് പൊടിയായി അരിഞ്ഞത് – അരക്കപ്പ്
ഡ്രൈഡ് ഒറീഗാനോ – അര ചെറിയ സ്പൂൺ
ഡ്രൈഡ് ബേസിൽ – അര ചെറിയ സ്പൂൺ
എക്സ്ട്രാ വെർജിൻ ഒലിവ് ഓയിൽ – നാലു വലിയ സ്പൂൺ
ബാൾസാമിക് വിനിഗർ – ഒരു വലിയ സ്പൂൺ
ഉപ്പ് – പാകത്തിന്
കുരുമുളകുപൊടി – പാകത്തിന്
2.തക്കാളി – എട്ട്, വലുത്
3.ലെറ്റൂസ് – പാകത്തിന്
4.ബേസിൽ ലീവ്സ്, ഒലിവ് അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙ഒന്നാമത്തെ ചേരുവ ഒരു ഇടത്തരം ബൗളിൽ നന്നായി യോ‍ജിപ്പിക്കുക.
∙ഇതു ഫ്രിഡ്ജിൽ 20–30 മിനിറ്റ് വയ്ക്കണം.
∙തക്കാളി നന്നായി കഴുകി മുകൾഭാഗം ചെത്തി ഉള്ളിലെ അരിയും പൾപ്പും കളഞ്ഞു വയ്ക്കുക.
∙ഓരോ തക്കാളിയിലും തയാറാക്കിയ ചീസ് മിശ്രിതം നിറച്ചു വയ്ക്കുക.
∙വിളമ്പാനുള്ള പാത്രത്തിൽ ലെറ്റൂസ് നിരത്തി മുകളിൽ തയാറാക്കിയ സ്‌റ്റഫ്ഡ് ടുമാറ്റോ നിരത്തണം.
∙ബേസിൽ ലീവ്സ് കൊണ്ടു ഭംഗിയായി അലങ്കരിച്ചു വിളമ്പാം.
കൂടുതൽ റെസിപ്പികൾക്കായി പുതിയ ലക്കം വനിത വായിക്കൂ...
