വെജ് ലോലിപ്പോപ്പ്
1.എണ്ണ – ഒരു വലിയ സ്പൂൺ
2.ഇഞ്ചി, പൊടിയായി അരിഞ്ഞത് – ഒരു ചെറിയ സ്പൂൺ
വെളുത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, പൊടിയായി അരിഞ്ഞത്
3.കാരറ്റ്, പൊടിയായി അരിഞ്ഞത് – ഒരു കപ്പിന്റെ മൂന്നില്‍ ഒന്ന്
ബീൻസ്, പൊടിയായി അരിഞ്ഞത് – ഒരു കപ്പിന്റെ മൂന്നിൽ ഒന്ന്
ഗ്രീൻപീസ്, വേവിച്ചത് – ഒരു കപ്പിന്റെ മൂന്നിൽ ഒന്ന്
സ്വീറ്റ് കോൺ, വേവിച്ചത് – ഒരു കപ്പിന്റെ മൂന്നിൽ ഒന്ന്
കാപ്സിക്കം, പൊടിയായി അരിഞ്ഞത്– ഒരു കപ്പിന്റെ മൂന്നിൽ ഒന്ന്
4.ഉരുളക്കിഴങ്ങ് – 5, പുഴുങ്ങി പൊടിച്ചത്
5.കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
ജീരകംപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ആംചൂർ പൗഡര്‍ – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
കസൂരി മേത്തി – അര ചെറിയ സ്പൂൺ
മല്ലിയില അരിഞ്ഞത് – ഒരു വലിയ സ്പൂൺ
കുരുമുളകുപൊടി – ഒരു നുള്ള്
ഉപ്പ് – പാകത്തിന്
6.മൈദ – കാൽ കപ്പ്
ഉപ്പ് – പാകത്തിന്
വെള്ളം – പാകത്തിന്
7.ബ്രെഡ് പൊടിച്ചത് – പാകത്തിന്
8.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙പാനിൽ എണ്ണ ചൂടാക്കി രണ്ടാമത്തെ ചേരുവ വഴറ്റുക.
∙ഇതിലേക്കു മൂന്നാമത്തെ ചേരുവ ഓരോന്നായി ചേർത്തു വഴറ്റണം. ഒരുപാട് വഴന്നു പോകരുത്.ഇത് ചൂടാറാൻ മാറ്റി വയ്ക്കണം.
∙ഒരു വലിയ ബൗളിൽ ഉരുളക്കിഴങ്ങും വേവിച്ചു വച്ചിരിക്കുന്ന പച്ചക്കറികളും ചേർക്കണം.
∙ഇതിലേക്ക് അഞ്ചാമത്തെ ചേരുവയും ചേർത്ത് നന്നായി കുഴച്ചു യോജിപ്പിക്കുക.
∙മറ്റൊരു ബൗളിൽ ആറാമത്തെ ചേരുവ ചേർത്തു യോജിപ്പിച്ചു വയ്ക്കണം.
∙ഉരുളക്കിഴങ്ങു മിശ്രിതത്തിൽ നിന്നും ഓരോ ഉരുള വീതം കൈയിലെടുത്ത് ഉരുട്ടി മെല്ലേ ഒന്നമർത്തുക.
∙ഓരോന്നിലും പോപ്സിക്കിൾ സ്‌റ്റിക്ക് കുത്തി, തയാറാക്കിയ മൈദ മിശ്രിതത്തിൽ മുക്കി ബ്രെഡ് പൊടിച്ചതിൽ പൊതിഞ്ഞ് ചൂടായ എണ്ണയിൽ വറുത്തു കോരുക.
∙സോസിനൊപ്പം വിളമ്പാം.
