ചിക്കൻ കബാബ്
1.ചിക്കൻ, എല്ലില്ലാതെ – 300 ഗ്രാം
2.സവാള – ഒന്ന്, പൊടിയായി അരിഞ്ഞത്
മല്ലിയില, പൊടിയായി അരിഞ്ഞത് – രണ്ടു വലിയ സ്പൂൺ
പുതിനയില, പൊടിയായി അരിഞ്ഞത് – ഒരു വലിയ സ്പൂൺ
ഇഞ്ചി, ചതച്ചത് – ഒരു വലിയ സ്പൂൺ
വെളുത്തുള്ളി, ചതച്ചത് – ഒരു വലിയ സ്പൂൺ
തക്കാളി – ഒന്ന്, കുരുകളഞ്ഞു പൊടിയായി അരിഞ്ഞത്
ഉപ്പ് – പാകത്തിന്
വറ്റൽമുളക് ചതച്ചത് – ഒരു ചെറിയ സ്പൂൺ
ഗരംമസാല – അര ചെറിയ സ്പൂൺ
ജീരകംപൊടി – അര ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
കാശ്മീരി മുളകുപൊടി – അര ചെറിയ സ്പൂൺ
കടലമാവ് – ഒരു വലിയ സ്പൂൺ
എണ്ണ – രണ്ടു ചെറിയ സ്പൂൺ
3.എണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙ചിക്കൻ വൃത്തിയാക്കി മിൻസ് ചെയ്തു വയ്ക്കുക.
∙ഒരു വലിയ ബൗളിൽ രണ്ടാമത്തെ ചേരുവ നന്നായി യോജിപ്പിക്കുക.
∙ഇതിലേക്കു മിൻസ് ചെയ്തു വച്ചിരിക്കുന്ന ചിക്കനും ചേർത്തു വീണ്ടും യോജിപ്പിക്കുക.
∙ഇതിൽ നിന്നും ഓരോ ഉരുള വീതം എടുത്ത് കൈ വെള്ളയിൽ വച്ചു പരത്തി ചൂടായ എണ്ണയിൽ തിരിച്ചും മറിച്ചുമിട്ടു വറുത്തു കോരുക.
