അഞ്ചു മിനിറ്റിൽ നേന്ത്രപ്പഴം കൊണ്ടു പാത്രം നിറയെ പലഹാരം, ഇതാ പുതുരുചി!
വ്യത്യസ്തമായ പലഹാരങ്ങൾ ഇഷ്ടപ്പെടാത്തവരായി ആരും തന്നെ ഉണ്ടാവില്ല. രണ്ടു പഴം ഉണ്ടെങ്കിൽ വെറൈറ്റി ആയ ബനാന ഫ്രൈ പെട്ടെന്ന് തന്നെ റെഡിയാക്കാം
ചേരുവകൾ
1.പഴം - രണ്ടെണ്ണം
2.കോൺഫ്ളോർ – കാൽ കപ്പ
3.ഗോതമ്പുപൊടി - അരക്കപ്പ്
4.പഞ്ചസാര - 3 ടീസ്പൂൺ
5.മഞ്ഞൾപൊടി - അര ടീസ്പൂൺ
6.ഉപ്പ് - ഒരു നുള്ള്
7.വെള്ളം - പാകത്തിന്
8.ഹണി കോട്ടഡ് കോൺഫ്ലേക്സ് - ഒരു കപ്പ്
9.എണ്ണ - വറുക്കാൻ ആവശ്യത്തിന്
തയാറാക്കുന്ന വിധം
∙പഴം തൊലി കളഞ്ഞതിനുശേഷം എട്ടായി ചെറുതായി നുറുക്കിയെടുക്കാ.
∙മറ്റൊരു പാത്രത്തിലേക്ക് കോൺഫ്ളോർ, ഗോതമ്പുപൊടിയും, പഞ്ചസാരയും, മഞ്ഞൾപ്പൊടിയും, ഉപ്പും, ആവശ്യത്തിന് വെള്ളവും കൂടെ ചേർത്തു നന്നായി കലക്കി എടുക്കുക.
∙ഇത് ദോശമാവിനെക്കാളും കുറച്ചുകൂടി കട്ടിയായ പരുവത്തിൽ വേണം കലക്കിയെടുക്കാൻ.
∙കോൺഫ്ലേക്സ് ഒരു പാത്രത്തിലേക്കു ഇട്ടശേഷം കൈ വച്ചു
ചെറുതായിട്ടൊന്നു പൊടിച്ചെടുക്കുക.
∙ഇനി നമ്മൾ നുറുക്കിവച്ച പഴം കഷ്ണങ്ങൾ മാവിൽ മുക്കി അതിനുശേഷം കോൺഫ്ലേക്സിൽ പൊതിഞ്ഞെടുക്കാം എല്ലാം ഇതേപോലെ ചെയ്തതിനുശേഷം ചൂടായ എണ്ണയിൽ തിരിച്ചും മറിച്ചുമിട്ട് ഫ്രൈ ചെയ്തെടുക്കാം. സ്വാദിഷ്ടമായ ബനാന ഫ്രൈ റെഡി.