പനീര്‍ പോപ്‌കോണ്‍
1.പനീര്‍ - 200 ഗ്രാം
2.ഇഞ്ചി-വെളുത്തുള്ളി പേസ്#റ്റ് - രണ്ടു ചെറിയ സ്പൂണ്‍
മുളകുപൊടി - ഒരു ചെറിയ സ്പൂണ്‍
ഇറ്റാലിയന്‍ സീസണിങ് - ഒരു ചെറിയ സ്പൂണ്‍
കോണ്‍ഫ്‌ളവര്‍ - രണ്ടു വലിയ സ്പൂണ്‍
മൈദ - രണ്ടു വലിയ സ്പൂണ്‍
ഉപ്പ്, കുരുമുളകുപൊടി - പാകത്തിന്
സോയാസോസ് - ഒരു ചെറിയ സ്പൂണ്‍
3.വെള്ളം - പാകത്തിന്
4.ബ്രെഡ് പൊടിച്ചത് - രണ്ടു കപ്പ്
5.എണ്ണ - വറുക്കാന്‍ ആവശ്യത്തിന്
6.മുളകുപൊടി - ഒരു ചെറിയ സ്പൂണ്‍
ഇറ്റാലിയന്‍ സീസണിങ് - ഒരു ചെറിയ സ്പൂണ്‍
പാകം ചെയ്യുന്ന വിധം
· പനീര്‍ ചെറിയ ക്യൂബുകളാക്കി മുറിച്ചു വയ്ക്കുക.
· രണ്ടാമത്തെ ചേരുവ നന്നായി യോജിപ്പിച്ച് പാകത്തിനു വെള്ളവും ചേര്‍ത്ത് ബാറ്റര്‍ തയാറാക്കണം.
· മുറിച്ചു വച്ചിരിക്കുന്ന പനീര്‍ ഓരോന്നായി ഇതിലേക്ക് ഇട്ടു നന്നായി ഇളക്കി യോജിപ്പിക്കണം.
· ഇവ ഓരോന്നും എടുത്ത് ബ്രഡ് പൊടിച്ചതില്‍ പൊതിഞ്ഞ് ചൂടായ എണ്ണയില്‍ വറുത്ത് കോരണം.
· ഇത് എണ്ണ വലിയാന്‍ ടിഷ്യു പേപ്പറില്‍ വയ്ക്കാം.
· ഒരു ബൗളില്‍ ആറാമത്തെ ചേരുവ യോജിപ്പിച്ചു വയ്ക്കണം.
· ഇതിലേക്ക് വറുത്ത് വച്ചിരിക്കുന്ന പനീര്‍ ചെറു ചൂടോടു കൂടി ചേര്‍ത്തു കുടഞ്ഞു യോജിപ്പിക്കണം.
· മയൊണേസിനൊപ്പം വിളമ്പാം.
