തെന്നിന്ത്യയുടെ പ്രിയതാരദമ്പതികളായ സൂര്യയുടെയും ജ്യോതികയുടെയും ഏറ്റവും പുതിയ കുടുംബചിത്രങ്ങൾ സോഷ്യൽ മീഡിയയിൽ വൈറൽ. സൂര്യയ്ക്കും ജ്യോതികയ്ക്കുമൊപ്പം മക്കളായ ദിയയും ദേവും ചിത്രങ്ങളിലുണ്ട്. സൂര്യയുടെ ഫാൻസ് പേജിലാണ് ചിത്രം എത്തിയിരിക്കുന്നത്.
അടുത്തിടെയാണ് സൂര്യയും ജ്യോതികയും മക്കളും ചെന്നൈയിൽ നിന്നു മുംബൈയിലേക്കു മാറിയത്. ജ്യോതികയുടെ അച്ഛനമ്മമാരുടെ ഒപ്പം കൂടുതൽ സമയം ചെലവിടുക എന്ന ലക്ഷ്യത്തോടെയാണ് ഈ മാറ്റം എന്നു ജ്യോതിക അടുത്തിടെ ഒരു അഭിമുഖത്തിൽ പറഞ്ഞിരുന്നു. തൊണ്ണൂറുകളിലെ താരനായിക നഗ്മ ജ്യോതികയുടെ സഹോദരിയാണ്.
