ദുൽഖർ സൽമാൻ നായകനാകുന്ന പാൻ ഇന്ത്യൻ ചിത്രം ‘കാന്ത’യുടെ ആദ്യ ടീസർ എത്തി. സെൽവമണി സെൽവരാജ് ആണ് സംവിധാനം. ദുൽഖർ സൽമാന്റെ ഉടമസ്ഥതയിലുള്ള വേഫേറർ ഫിലിംസ്, റാണ ദഗ്ഗുബാട്ടിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവർ ചേർന്നാണ് ചിത്രം നിർമ്മിക്കുന്നത്. ദുൽഖർ സൽമാൻ, ജോം വർഗീസ്, റാണ ദഗ്ഗുബാട്ടി, പ്രശാന്ത് പോട്ട്ലൂരി എന്നിവരാണ് ചിത്രത്തിന്റെ നിർമാതാക്കൾ.
ദുൽഖർ സൽമാനൊപ്പം റാണ ദഗ്ഗുബതി, സമുദ്രക്കനി, ഭാഗ്യശ്രീ ബോർസെ എന്നിവരാണ് ചിത്രത്തിലെ മറ്റു പ്രധാന താരങ്ങൾ. തമിഴിൽ ഒരുക്കിയ ഈ ചിത്രം മലയാളം, തെലുങ്ക്, ഹിന്ദി ഭാഷകളിലും റിലീസ് ചെയ്യും.
ഛായാഗ്രഹണം – ഡാനി സാഞ്ചസ് ലോപ്പസ്, സംഗീതം – ഝാനു ചന്റർ, എഡിറ്റർ – ലെവെലിൻ ആന്റണി ഗോൺസാൽവേസ്, കലാസംവിധാനം – രാമലിംഗം, വസ്ത്രാലങ്കാരം – പൂജിത തടികൊണ്ട, സഞ്ജന ശ്രീനിവാസ്. സെപ്റ്റംബർ 12നാണ് റിലീസ്.
