മലയാളത്തിൽ നിറഞ്ഞ കയ്യടി നേടി മുന്നേറുന്ന ചിത്രം മുന്തിരി വള്ളികൾ തളിർക്കുമ്പോൾ തെലുങ്കിലേക്ക് റീമേക്ക് ചെയ്യുന്നു. തെലുങ്ക് താരം വെങ്കിടേഷാണ് ചിത്രം റീമേക്ക് ചെയ്യാനായി മുന്നോട്ട് വന്നിരിക്കുന്നത്. ദൃശ്യത്തിന്റെ തെലുങ്ക് പതിപ്പിലും വെങ്കിടേഷായിരുന്നു എത്തിയത്. സിനിമയ്ക്ക് കിട്ടുന്ന മികച്ച സ്വീകാര്യത കണ്ടാണ് തെലുങ്കില്‍ ചിത്രം റീമേയ്ക്ക് ചെയ്യാന്‍ ഇവര്‍ തീരുമാനിക്കുന്നത്. ജോർജ് കുട്ടിയായി വെങ്കിടേഷിനെ അംഗീകരിച്ച തെലുങ്കിലെ കുടുംബ പ്രേക്ഷകർ ഉലഹന്നാനെയും സ്വീകരിക്കും എന്നാണ് പ്രതീക്ഷ. മീന അഭിനയിച്ച ആനിയമ്മയുടെ റോളിൽ ആരെത്തും എന്നത് തീരുമാനമായിട്ടില്ല.
വെള്ളിമൂങ്ങ എന്ന സൂപ്പര്‍ഹിറ്റിന് ശേഷം ജിബു ജേക്കബ് സംവിധാനം ചെയ്ത മുന്തിരി വള്ളികൾ വീക്കെന്‍ഡ് ബ്ലോക്ബസ്റ്റേര്‍സിന്റെ ബാനറില്‍ സോഫിയ പോള്‍ ആണ് നിര്‍മിച്ചിരിക്കുന്നത്. ഉലഹന്നാനായില്ലെങ്കിലും പവൻ കല്യാണിന്റെ പുതിയ ചിത്രത്തിലെ ശ്രദ്ധേയമായ റോളിലൂടെ വീണ്ടും മോഹൻലാൽ ടോളിവുഡിൽ എത്തുമെന്നും പുതിയ വാർത്തകളുണ്ട്.
വെള്ളിമൂങ്ങ എന്ന സൂപ്പര്‍ഹിറ്റിന് ശേഷം ജിബു ജേക്കബ് സംവിധാനം ചെയ്ത മുന്തിരി വള്ളികൾ വീക്കെന്‍ഡ് ബ്ലോക്ബസ്റ്റേര്‍സിന്റെ ബാനറില്‍ സോഫിയ പോള്‍ ആണ് നിര്‍മിച്ചിരിക്കുന്നത്. ഉലഹന്നാനായില്ലെങ്കിലും പവൻ കല്യാണിന്റെ പുതിയ ചിത്രത്തിലെ ശ്രദ്ധേയമായ റോളിലൂടെ വീണ്ടും മോഹൻലാൽ ടോളിവുഡിൽ എത്തുമെന്നും പുതിയ വാർത്തകളുണ്ട്.
