വിജയ് സൂപ്പറും പൗർണമിയും, തല്ലുമാല എന്നീ സിനിമകളിൽ തിളങ്ങിയ നടൻ ഓസ്റ്റിൻ ഡാൻ തോമസ് ആദ്യമായി സംവിധാനം ചെയ്യുന്ന സിനിമയിൽ മോഹൻലാൽ നായകൻ. ‘ഇഷ്ക്’ സിനിമയുടെ തിരക്കഥാകൃത്ത് രതീഷ് രവിയാണ് കഥ–തിരക്കഥ–സംഭാഷണം. നിർമാണം– ആഷിഖ് ഉസ്മാൻ.
‘എൽ365’ എന്നു താൽക്കാലികമായി പേര് നൽകിയിരിക്കുന്ന സിനിമയിൽ പൊലീസ് എസ്‌ഐയുടെ വേഷത്തിലാകും മോഹൻലാൽ എത്തുക. കോമഡി ത്രില്ലർ ഗണത്തില്‍പെടുന്ന എന്റർടെയ്നറാകും ചിത്രം. ചിത്രീകരണം ഈ വർഷം ആരംഭിക്കും.
