ഫാംഹൗസ് സുപ്രീം
1.ഉരുളക്കിഴങ്ങ് വേവിച്ച് ചെറിയ ചതുരക്കഷണങ്ങളാക്കിയത് – അരക്കപ്പ്
പൈനാപ്പിൾ ചെറിയ ചതുരക്കഷണങ്ങളാക്കിയത് – അരക്കപ്പ്
ആപ്പിൾ ചെറിയ ചതുരക്കഷണങ്ങളാക്കിയത് – അരക്കപ്പ്
മുട്ട – രണ്ട്, പുഴുങ്ങി ചതുരക്കഷണങ്ങളാക്കിയത്
ബ്രോക്ക്ലി ചെറിയ പൂക്കളായി അടർത്തിയത് – അരക്കപ്പ്, ആവിയിൽ വേവിച്ചത്
ചിക്കൻ വേവിച്ചത് – അരക്കപ്പ്
ഡ്രസിങ്ങിന്
2.മയണീസ് – മുക്കാൽ കപ്പ്
ക്രീം ചീസ് – അരക്കപ്പ്
ദിൽ ലീവ്സ് – ഒരു വലിയ സ്പൂൺ
വെളുത്തുള്ളി ചതച്ചത് – രണ്ടു ചെറിയ സ്പൂൺ
കവറിങ്ങിന്
3.ഉരുളക്കിഴങ്ങ് വേവിച്ചുടച്ചത് – രണ്ടു കപ്പ്
വെണ്ണ – അരക്കപ്പ്
പാൽ – രണ്ടു മൂന്നു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
പാകം ചെയ്യുന്ന വിധം
ഒന്നാമത്തെ ചേരുവ യോജിപ്പിക്കുക.
ഇതിലേക്കു ഡ്രസിങ്ങിനുള്ള രണ്ടാമത്തെ ചേരുവ ചേർത്തു മെല്ലേ കുടഞ്ഞു യോജിപ്പിക്കുക.
ഇനി ഇതു വിളമ്പാനുള്ള ബൗളിലാക്കി മുകളിൽ കവറിങ്ങിനുള്ള ചേരുവ യോജിപ്പിച്ചതു നിരത്തി വിളമ്പാം.
കവറിങ്ങ് മിശ്രിതം സ്റ്റാർ നോസിലിട്ട പൈപ്പിംഗ് ബാഗിലാക്കി, സാലഡിനു മുകളിലേക്കു ഭംഗിയായി പൈപ്പ് ചെയ്തു വിളമ്പാം.