സ്വീറ്റ് കോൺ വട
1.കടലപ്പരിപ്പ് – ഒരു കപ്പ്, കുതിർത്തത്
2.സ്വീറ്റ് കോൺ – രണ്ടു കപ്പ്
3.വറ്റൽമുളക് – രണ്ട്
ജീരകം – അര ചെറിയ സ്പൂൺ
4.സവാള – ഒന്ന്, പൊടിയായി അരിഞ്ഞത്
ഇഞ്ചി – അരയിഞ്ചു കഷണം, പൊടിയായി അരിഞ്ഞത്
മല്ലിയില – ഒരു പിടി
ഉപ്പ് – പാകത്തിന്
5.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙കടലപ്പരിപ്പ് പാകത്തിനു വെള്ളത്തിൽ എട്ടുമണിക്കൂർ കുതിർത്തു ഊറ്റി വയ്ക്കുക.
∙ഒന്നരക്കപ്പ് സ്വീറ്റ് കോണും മുക്കാല് കപ്പ് കുതിർത്ത കടലപ്പരിപ്പും മൂന്നാമത്തെ ചേരുവയും മിക്സിയിൽ തരുതരുപ്പായി അരച്ചെടുക്കണം.
∙ഇതിലേക്കു നാലാമത്തെ ചേരുവയും ബാക്കിയുള്ള സ്വീറ്റ് കോണും കടലപ്പരിപ്പും ചേർത്തു നന്നായി യോജിപ്പിക്കണം.
∙ഇതിൽ നിന്നും ഒരോ ഉരുള വീതം എടുത്ത് വടയുടെ ആകൃതിയിൽ ആക്കി ചൂടായ എണ്ണയിൽ വറുത്തു കോരുക.