ഗോതമ്പു പറാത്ത
1.ഗോതമ്പുപൊടി – 200 ഗ്രാം
എണ്ണ – ഒരു ചെറിയ സ്പൂൺ
മുട്ട – ഒരു മുട്ടയുടെ പകുതി
തൈര് – ഒരു ചെറിയ സ്പൂൺ
ഉപ്പ് – പാകത്തിന്
വെള്ളം – കുഴയ്ക്കാൻ പാകത്തിന്
2.നെയ്യ് – ഒരു ചെറിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു നന്നായി കുഴച്ചശേഷം അരമണിക്കൂർ മാറ്റിവയ്ക്കുക.
∙പിന്നീട് നന്നായി കുഴച്ചശേഷം ഒരേ വലുപ്പമുള്ള ചെറിയ ഉരുളകളുണ്ടാക്കുക.
∙ഓരോ ഉരുളയും ഒന്നു പരത്തി, നെയ്യ് പുരട്ടിയശേഷം വിശറി പോലെ ഞൊറിഞ്ഞെടുക്കുക. ഇതു വട്ടത്തിൽ ചുറ്റിവയ്ക്കുക.
∙പിന്നീട് വീണ്ടും പരത്തി ചൂടായ തവയിലിട്ട് തിരിച്ചും മറിച്ചും വേവിക്കുക. ഇടയ്ക്കിടെ നെയ്യ് പുരട്ടിക്കൊടുക്കാം.