ഓറഞ്ച് പൈനാപ്പിൾ ജാം
1.ഓറഞ്ച് – ഒരു കിലോ, തൊണ്ടും, അല്ലികളും പാടയും കുരുവും നീക്കം ചെയ്ത് എടുത്തത്
2.നന്നായി പഴുത്ത പൈനാപ്പിൾ – ഒരു കിലോ, തൊലി കളഞ്ഞു പൊടിയായി അരിഞ്ഞത്
പഞ്ചസാര – അരക്കപ്പ്
ഗ്രാമ്പൂ – 12
കറുവാപ്പട്ട – ഒരിഞ്ചു നീളമുള്ള എട്ടു കഷണം
വെള്ളം – രണ്ടു കപ്പ്
3.പഞ്ചസാര – ഒരു കപ്പ്
പാകം ചെയ്യുന്ന വിധം
∙രണ്ടാമത്തെ ചേരുവ യോജിപ്പിച്ചു വേവിക്കുക.
∙വെന്തു പാകമായശേഷം ഇഴയകലമുള്ള തുണിയിലൂടെ അരിച്ചു ഞെക്കിപ്പിഴിഞ്ഞെടുക്കുക.
∙ഇതിലേക്കു തയാറാക്കി വച്ചിരിക്കുന്ന ഓറഞ്ച് അല്ലികളും ബാക്കിയുള്ള ഒരു കപ്പ് പഞ്ചസാരയും ചേർത്ത് അടുപ്പത്തു വച്ചു തുടരെയിളക്കി വേവിച്ചു കുറുക്കുക.
∙ജാം പാകമാവുമ്പോൾ അടുപ്പിൽ നിന്നു വാങ്ങി തടിപ്പലകയിൽ നിരത്തിയിരിക്കുന്ന കുപ്പികളിൽ ഒഴിക്കുക.(ചൂടോടെ ഒഴിക്കുമ്പോൾ കുപ്പി പൊട്ടാതിരിക്കാനാണ് തടിപ്പലകയിൽ വയ്ക്കുന്നത്.)