ചിക്കൻ ഇങ്ങനെ തയാറാക്കി നോക്കിയിട്ടുണ്ടോ, കലക്കൻ സ്വാദാണ്!

ചിക്കൻ ചില്ലി റോസ്‌റ്റ്

1.ചിക്കൻ – ഒരു കിലോ

2.മഞ്ഞൾപ്പൊടി – അര ചെറിയ സ്പൂൺ

മുളകുപൊടി – രണ്ടു വലിയ സ്പൂൺ

മല്ലിപ്പൊടി – ഒരു വലിയ സ്പൂൺ

പെരുംജീരകംപൊടി – ഒരു ചെറിയ സ്പൂൺ

ഇഞ്ചി വെളുത്തുള്ളി പേസ‌്റ്റ് – രണ്ടു വലിയ സ്പൂൺ

കറിവേപ്പില – രണ്ടു തണ്ട്

നാരങ്ങാനീര് – ഒരു നാരങ്ങയുടെ പകുതിയുടേത്

ഉപ്പ് – പാകത്തിന്

വെളിച്ചെണ്ണ – രണ്ടു വലിയ സ്പൂൺ

3.വെളിച്ചെണ്ണ – മൂന്നു വലിയ സ്പൂൺ

4.പെരുംജീരകം – ഒരു ചെറിയ സ്പൂൺ

കറിവേപ്പില – രണ്ടു തണ്ട്

5.ഇഞ്ചി, നീളത്തിൽ അരിഞ്ഞത് – ഒരു വലിയ സ്പൂൺ

വെളുത്തുള്ളി, അരിഞ്ഞത് – ഒരു വലിയ സ്പൂൺ

പച്ചമുളക് – രണ്ട്, നീളത്തിൽ അരിഞ്ഞത്

6.സവാള – ഒന്ന്, പൊടിയായി അരിഞ്ഞത്

7.മഞ്ഞൾപ്പൊടി – കാൽ ചെറിയ സ്പൂണ്‍

മുളകുപൊടി – രണ്ടു വലിയ സ്പൂൺ

മല്ലിപ്പൊടി – ഒരു വലിയ സ്പൂൺ

ചിക്കൻ മസാല – ഒരു വലിയ സ്പൂൺ

8.വറ്റൽമുളകു ചതച്ചത് – ഒരു വലിയ സ്പൂൺ

പാകം ചെയ്യുന്ന വിധം

∙ചിക്കൻ കഴുകി വൃത്തിയാക്കി ചെറിയ കഷണങ്ങളാക്കി വയ്ക്കുക.

∙ഇതിലേക്കു രണ്ടാമത്തെ ചേരുവ ചേർത്തു യോജിപ്പിച്ച് പത്തു മിനിറ്റു വയ്ക്കുക.

∙പാനിൽ ഒന്നര വലിയ സ്പൂൺ വെളിച്ചെണ്ണ ചൂടാക്കി ചിക്കൻ കഷണങ്ങൾ മുക്കാൽ വേവിൽ വറുത്തു കോരി വയ്ക്കുക.

∙ഇതേ പാനിൽ ബാക്കി വെളിച്ചെണ്ണ ചൂടാക്കി നാലാമത്തെ വഴറ്റണം.

∙അഞ്ചാമത്തെ ചേരുവയും ചേർത്തു വഴറ്റി പച്ചമണം മാറുമ്പോൾ സവാള ചേർത്തു വഴറ്റുക.

∙സവാള കണ്ണാടിപ്പരുവമാകുമ്പോൾ പൊടികൾ ചേർത്തു മൂപ്പിക്കണം.

∙വറ്റൽമളകു ചതച്ചതും ചേർത്തു വഴറ്റി വറുത്തു വച്ച ചിക്കനും ചേർത്തിളക്കി വാങ്ങാം.