പരിപ്പു കറി
1.പരിപ്പ് – 200 ഗ്രാം
2.വെള്ളം – പാകത്തിന്
ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
എണ്ണ – ഒരു വലിയ സ്പൂൺ
3.എണ്ണ – ഒരു വലിയ സ്പൂൺ
4.ജീരകം – അര ചെറിയ സ്പൂൺ
5.ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
സവാള പൊടിയായി അരിഞ്ഞത് – ഒരു കപ്പ്
ഉപ്പ് – പാകത്തിന്
6.മഞ്ഞള്‍പ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
7.തക്കാളി – ഒന്ന്, പൊടിയായി അരിഞ്ഞത്
8.ജീരകംപൊടി – അര ചെറിയ സ്പൂൺ
ഗരംമസാലപൊടി – അര ചെറിയ സ്പൂൺ
9.പാൽ – അരക്കപ്പ്
മല്ലിയില പൊടിയായി അരിഞ്ഞത് – കാൽ കപ്പ്
പാകം ചെയ്യുന്ന വിധം
∙പരിപ്പു നന്നായി കഴുകി വൃത്തിയാക്കി രണ്ടാമത്തെ ചേരുവ ചേർത്തു വേവിച്ചു വയ്ക്കുക.
∙പാനിൽ എണ്ണ ചൂടാക്കി ജീരകം വഴറ്റണം.
∙അഞ്ചാമത്തെ ചേരുവ ചേർത്തു വഴറ്റി സവാള കണ്ണാടിപ്പരുവമാകുമ്പോൾ പൊടികൾ ചേർക്കുക.
∙പച്ചമണം മാറുമ്പോൾ തക്കാളി ചേർത്തു വഴറ്റണം.
∙വേവിച്ചു വച്ചിരിക്കുന്ന പരിപ്പു ചേർത്തിളക്കി കുറുകി വറുമ്പോൾ എട്ടാമത്തെ ചേരുവ ചേർത്തിളക്കണം.
∙ഒൻപതാമത്തെ ചേരുവ ചേർത്തിളക്കി വാങ്ങുക.
