വീടിനുള്ളിൽ നിറയെ വെളിച്ചവും പച്ചപ്പും വേണമെന്നതായിരുന്നു സുജിത്തിന്റെയും ആതിരയുടെയും ആവശ്യം. കൂടാതെ, കന്റെംപ്രറി ശൈലിയിലുള്ള വീടും അവരുടെ ആഗ്രഹമായിരുന്നു. ഇവയെല്ലാം പാലിച്ചാണ് വീട് ഡിസൈൻ ചെയ്തിരിക്കുന്നത്. 1600 ചതുരശ്രയടിയിൽ കൂടാൻ പാടില്ല എന്ന നിർദേശവും കൃത്യമായി പാലിക്കപ്പെട്ടു.
∙ ഒൻപത് സെന്റിൽ സ്ഥിതി ചെയ്യുന്ന ഈ വീടിന് സാദാ ഫൗണ്ടേഷനാണ്. മുറ്റത്ത് മനോഹരമായി ലാൻഡ്സ്കേപ്പിങ് ചെയ്തു. ഇന്റർലോക് ടൈൽ കൊണ്ട് പേവിങ് നൽകി.
∙ പൊതുഇടങ്ങളെല്ലാം, തുറന്നിരിക്കുന്ന ഓപ്പൻ പ്ലാൻ ആണ്.
∙ വെളിച്ചം വേണമെന്ന വീട്ടുകാരുടെ ആവശ്യം നിറവേറ്റാൻ വലിയ ജനാലകൾ നൽകി. താഴത്തെയും മുകളിലെയും ലിവിങ് റൂമിന് ടഫൻഡ് ഗ്ലാസ്സ് കൊണ്ടുള്ള ഫിക്സഡ് ജനാലയാണ്.
∙ വെളിച്ചത്തിനായി പലയിടത്തും പർഗോള നൽകി. ലിവിങ് റൂമിന്റെ മേൽക്കൂരയിലും ചുമരിലും പർഗോളയുണ്ട്. അടുക്കളയിലും പർഗോള ന ൽകിയിട്ടുണ്ട്.
∙ ലിവിങ് റൂമിൽ രണ്ട് കോർട്‌യാർഡ് നൽകി. വീടിനുള്ളിൽ പച്ചപ്പ് വേണമെന്ന വീട്ടുകാരുടെ ആഗ്രഹം കോർട്‌യാർഡ് വഴിയാണ് സാധിച്ചത്. ലിവിങ്ങിൽ നിന്ന് ഡൈനിങ്ങിലേക്ക് കോർട്‌യാർഡുകൾക്കു നടുവിലൂടെ നടപ്പാത നൽകി. വീടിനു കൂടുതൽ വലുപ്പം തോന്നാൻ കോർട്‌യാർഡ് സഹായിക്കുന്നു. കോർട്‌യാർഡിനരികിൽ പൂജാ ഏരിയയും ക്രമീകരിച്ചു.
∙ സ്റ്റെയർകെയ്സിനു താഴെ കോർട്‌യാർഡ് നൽകി. അവിടെ ഇരിപ്പിടം ഒരുക്കി.
∙ കോർട്‌യാർഡിന്റെ നടപ്പാതയിലും സ്റ്റെയറിനു താഴെയുള്ള കോർട്‌യാർഡിലും ഫ്ലോറിങ്ങിന് ഡിജിറ്റൽ പ്രിന്റുള്ള വിട്രിഫൈഡ് സ്ലാബ് ആണ്.
∙ കറുപ്പ് വെളുപ്പ് കോംബിനേഷനിലാണ് അടുക്കള. അടുക്കളയുടെ പിൻചുമരിൽ പർഗോള നൽകിയത് അടുക്കള വിശാലമായി തോന്നാൻ സഹായിക്കുന്നു.
∙ എല്ലാ മുറിയിലും ഫോൾസ് സീലിങ് ചെയ്ത് പ്രൊഫൈൽ ലൈറ്റ്, കോവ് ലൈറ്റ്, സ്പോട് ലൈറ്റ് എന്നിവ നൽകി. ലിവിങ്, ഡൈനിങ് എന്നിവിടങ്ങളിൽ ഹാങ്ങിങ് ലൈറ്റ് നൽകി ഭംഗിയേകി.
∙ പാർട്ടി സ്പേസ് ആക്കാവുന്ന രീതിയിൽ വ ലുപ്പത്തിലാണ് ബാൽക്കണി ഒരുക്കിയത്.
∙ ലിവിങ് റൂമും മാസ്റ്റർ ബെഡ്റൂമും ലാവൻഡർ, പച്ച നിറങ്ങളുടെ കോംബിേനഷനിൽ ഡിസൈൻ ചെയ്തു. ലാവൻഡർ, ഗ്രേ നിറക്കൂട്ടിലാണ് കിടപ്പുമുറിയിലെ വാഡ്രോബ്.
∙ കുട്ടികളുടെ മുറിയുടെ തീം നീലയാണ്. അ തിന് കോൺട്രാസ്റ്റ് ആയി കടും ഓറഞ്ച് നിറത്തിൽ കട്ടിൽ അപ്ഹോൾസ്റ്ററി ചെയ്തു. നീല നിറത്തിലുള്ള വോൾപേപ്പറാണ് ഈ മുറിയുടെ ഹൈലൈറ്റ്. വാഡ്രോബിന് നീല, ഗ്രേ കോംബിനേഷനാണ്. തീമിനിണങ്ങുന്ന കർട്ടനും നൽകി.
ചിത്രങ്ങൾ: ഹരികൃഷ്ണൻ
PROJECT FACTS:
Area:1600 sqft Owner: ആർ. സുജിത് കുമാർ & ആതിര Location: കിളിമാനൂർ
Design: ന്യൂ ലീഫ് ആർക്ക്, തിരുവനന്തപുരം Email: ash.newleafarch@gmail.com
