അദ്വൈത് ജയസൂര്യയെ അറിയില്ലേ? മലയാളികളുടെ പ്രിയപ്പെട്ട താരം ജയസൂര്യയുടെ മകൻ. അച്ഛന്റെ വഴിയേ അഭിനയത്തിലേക്ക് ചുവടു വച്ച ഈ മിടുക്കൻ സോഷ്യൽ മീഡിയക്കും പ്രിയപ്പെട്ടവനാണ്.
ഡബ്സ്മാഷുകളിലൂടെ പ്രേക്ഷകരുടെ മനം കവർന്ന ‘ജൂനിയർ ജയസൂര്യ’ ഇതാ വീണ്ടുമെത്തിയിരിക്കുകയാണ്. ഒരു പിടി ഹിറ്റ് ചിത്രങ്ങളിലെ ഡയലോഗുകൾ കോർത്തിണക്കിയുള്ള അദ്വൈതിന്റെ പ്രകടനം ചിരിക്കാതെ കാണാനാകില്ല.
ജയസൂര്യയുടെ കരിയറിലെ തന്നെ മികച്ച ചിത്രങ്ങളിലൊന്നായ ക്യാപ്റ്റനിലൂടെയാണ് അദ്വൈത് മലയാള സിനിമയിലെത്തുന്നത്. ചിത്രത്തിൽ ജയസൂര്യയുടെ കുട്ടിക്കാലമാണ് അദ്വൈത് അവതരിപ്പിച്ചത്. അദ്വൈത് സംവിധാനം ചെയ്ത് അഭിനയിച്ച ‘ഗുഡ് ഡേ’ എന്ന ഹ്രസ്വ ചിത്രവും പ്രേക്ഷകർ സ്വീകരിച്ചിരുന്നു.
അദ്വൈതിന്റെ പ്രകടനം കാണാം:
